Si u ndryshua peizazhi politik pas zgjedhjeve në Bullgari

botuar më 11-11-08 1.20.MD

Foto: BGNES

Sipas profesorit të politologjisë Georgi Karasimeonov zgjedhjet për pushtet lokal dhe për president të Bullgarisë, që u zhvilluan kohët e fundit, vizatuan një peizazh të ri politik në vend. Ndër novitetet është formimi i një tipi të ri të kulturës politike. Këtë “stil të ri të sjelljes evropiane”, politologu e zbuloi te tre pretenduesit kryesorë për postin presidencial – Rosen Plevneliev nga partia në pushtet GERB, Ivajllo Kallfin nga Partia Socialiste Bullgare në opozitë dhe Meglena Kuneva si përfaqësuese e shoqërisë civile.

“Tre kandidatët e parë, të cilët kishin rezultate më të mira të zgjedhjeve presidenciale, për herë të parë treguan një kulturë të re politike. Kjo u duk si në debatet, ashtu edhe në fushatat e tyre. Me siguri mund të themi se ata janë demokratë me sjellje evropiane të komunikimit. Mirëpo, ky tip i ri i kulturës së dialogut politik bashkëjeton me modelin e vjetër, me politikanët demagogë, me politikanët jo aq të civilizuar.”

Prof. Georgi Karasimeonov

Sipas politologut Georgi Karasimeonov, zgjedhjet e fundit formuan tablonë e modelit politik me dy pole. Pas marginalizimit të së djathtas tradicionale, prezantuar nga “Koalicioni blu”, partia në pushtet GERB tashmë disponon një hegjemoni të plotë në të djathtën. Majtas – Partia Socialiste Bullgare që pësoi disfatë në zgjedhjet e fundit parlamentare në vitin 2009, tani tregoi, se u kthye në skenën politike. Shprehja është e politologut Zhivko Georgiev. Në hapësirën e majtë u pozicionua dhe Lëvizja për të Drejta dhe Liri, partia e turqve bullgarë, e cila deri tani paraqitej para se gjithash si një parti centriste liberale. Mirëpo rezultatet e mira në zgjedhje të GERB dhe të Partisë Socialiste Bullgare në opozitë tashmë kanë arritur maksimumin e tyre politik elektoral, sipas shumicës së vëzhguesve. E ripohon deri diku alternativa e re, e paraqitur nga Meglena Kuneva. Rezultati i saj i tretë e bëri një dukuri interesante për analizatorët.

“Për mua paraqitja dhe rezultati i saj janë një prej dukurive të rëndësishme në këto zgjedhje, thotë prof. Karasimeonov. – Mund të flasim për sukses, edhe pse ajo nuk i fitoi zgjedhjet. Mirëpo Kuneva arriti të prishë hegjemoninë e dy partive më të mëdha GERB dhe Partia Socialiste Bullgare. Në qoftë se Meglena Kuneva krijon parti, ajo do të ketë shansin për të zërë një vend të rëndësishëm në sistemet politike dhe të ndikojë pozitivisht mbi procesin politik. Kuneva është alternativa e atyre, të cilët nuk pëlqejnë politikën e GERB dhe Partisë Socialiste Bullgare. Formacioni i saj mund të jetë centriste, ose liberale, por vizioni i formacionit duhet të mbështetet kryesisht mbi qytetërimin evropian.”

Meglena Kuneva u përkrah kryesisht nga të rinjtë, nga banorët në qytetet e mëdha dhe nga ata me arsim të lartë, si dhe nga një pjesë e konsiderueshme e njerëzve të cilët nuk votuan në zgjedhje, mendon profesor Karasimeonov.

Krahas këtyre shenjave të evropeizmit të jetës politike bullgare, në zgjedhjet e fundit u përvijuan dhe disa momente shqetësuese – bëhet fjalë për “ballkanizimin e tyre” – mendon politologu Vasill Tonçev nga agjencia “Sova Haris”. Sipas tij përqindja e së ashtuquajturës “votë e kontrolluar” ka qenë jashtëzakonisht e madhe – këto janë votat e blera dhe votimi i zhvilluar nën një presion korporativ, administrativ, politik etj. Vota e kontrolluar në zgjedhjet e fundit ishte rreth 15 për qind, është i mendimit sociologu. Është shumë shqetësues fakti se kjo praktikë e keqe u përket të gjitha partive politike, shton ai.

Përgatiti në shqip: Svetllana Dimitrova, Vesella Mançeva

По публикацията работи: Maria Dimitrova

Последвайте ни и в Google News Showcase, за да научите най-важното от деня!

Ndaje

Si u ndryshua peizazhi politik pas zgjedhjeve në Bullgari

Më shumë nga rubrika

Presidenti bisedoi me përfaqësues të komunitetit vietnamez në Bullgari

Presidenti: Evropa duhet të mbështesë përpjekjet e SHBA për një zgjidhje paqësore të konfliktit në Ukrainë

Ministria e Jashtme: Nuk mund të ketë negociata për Ukrainën pa Ukrainën dhe BE-në

Presidenti bisedoi me përfaqësues të komunitetit vietnamez në Bullgari