Mbrojtja e të drejtave të grave rome – praktika të mira dhe sfida të ardhshme

botuar më 12-03-22 11.44.PD

Pjesëmarrëset e Akademisë regjionale të grave lidere rome në Bllagoevgrad

Foto: NDI

AUDIO

Update Required To play the media you will need to either update your browser to a recent version or update your Flash plugin.

Nga 15 deri më 17 mars në qytetin e Bullgarisë Jugperëndimore – Bllagoevgrad u mbajt Akademia regjionale e grave lidere rome. Organizator i aktivitetit është Instituti kombëtar i demokracisë i ShBA-së (NDI).

Gjatë seminarit aktiviste të organizatave joqeveritare nga Bullgaria, Rumania, Kosova, Sllovakia, Maqedonia dhe Serbia diskutuan probleme aktuale rreth statusit të grave rome në Evropën Qendrore dhe Lindore si diskriminimi, martesat e hershme, papunësia, niveli i ulët arsimor, pabarazia gjinore, përfshirja e ulët në shoqëri, mungesa e qasjes në shërbimet shëndetësore e sociale, përfaqësia e ulët e grave në pushtet etj. Pjesëmarrëset shkëmbyen përvojat e tyre dhe prezantuan projekte të suksesshme e praktika të mira në mbrojtjen e të drejtave të grave rome. Në zhvillimin e konferencës aktivistet mësuan si të organizojnë fushata avokacie dhe si të bëhen lidere të suksesshme në komunitetet e tyre. Seminari ishte edhe hapi i parë në themelimin e një rrethi regjional prej organizatave joqeveritare të cilat punojnë për mbrojtjen e të drejtave të grave rome.

Të ftuar për pjesëmarrje në forum ishin përfaqësues të organizatës së grave “Osvit” nga Nishi. Ja se çfarë tregoi njëra prej tyre për projektet e organizatës. “Quhem Ana Saçipoviç dhe jam drejtoreshë e organizatës joqeveritare “Osvit” në Nish. Ne merremi me projekte për ngritjen e kapacitetit të grave rome, për mbrojtjen e të drejtave të tyre, si edhe për stimulimin e pjesëmarrjes së romeve në jetën sociale dhe politike në nivel vendor, jo vetëm në Nish, por edhe në tërë Serbinë Jugore. Ndër iniciativat e suksesshme është edhe telefoni SOS në gjuhën rome kundër dhunës ndaj grave. Rrjeti ynë prej organizatave joqeveritare merret edhe me përpunimin e propozimeve për ndryshime ligjore. Gjithashtu çdo vit nga data 8 mars – Dita ndërkombëtare e grave deri më 8 prill – Dita ndërkombëtare e romëve zhvillojmë Muajin e Grave Rome. Sivjet ndër aktivitetet e shumta në kuadrin e këtij muaji kemi edhe një film i cili tregon për jetën e romeve të suksesshme në Serbi.”

Ndër pjesëmarrëset e Akademisë së lidërshipit ishin edhe dy aktiviste nga Prizreni. Para mikrofonit të Radio Bullgarisë drejtoresha ekzekutive e Rrjetit të Organizatave të Grave Rome, Ashkali dhe Egjiptase, zonja Shpresa Agushi dhe drejtoresha e Organizatës “Foleja”, zonja Gjyzel Shaljani treguan për projektet e suksesshme të organizatave të tyre joqeveritare, si edhe përshtypjet që patën nga seminari. Klikoni AUDIO për t’i dëgjuar!

По публикацията работи: Maria Peeva

Последвайте ни и в Google News Showcase, за да научите най-важното от деня!

Ndaje

Mbrojtja e të drejtave të grave rome – praktika të mira dhe sfida të ardhshme

Më shumë nga rubrika

Protesta para Teatrit Popullor “Ivan Vazov” u kthye në trazira para premierës së pjesës “Armët dhe njeriu”

Një ekspeditë polare bullgare eksploroi Kontinentin e Akullit për herë të 33-të

Antarktida është motori i ndryshimeve klimatike

Pse disa nga rrugët e Pragës mbajnë emrat e iluministëve bullgarë?

WWF Bullgaria i kushton vëmendje mbrojtjes së arinjve