Më 1 mars të vitit 2004 bashkë me programet e Radio Bullgarisë në eter startoi edhe sajti i Radios Kombëtare Bullgare – bnr.bg. Nëpërmjet sajtit të ri, atëherë në 11 gjuhë të huaja – bullgarisht, anglisht, gjermanisht, rusisht, frëngjisht, spanjisht, serbisht, greqisht, shqip, turqisht dhe arabisht, media kombëtare bullgare i ofron auditorit shumëmilionësh në botë informacion për ngjarje aktuale, për historinë dhe për kulturën e Bullgarisë me ndihmën e rrjetit global të informacionit. Sajti i parë u vlerësua shumë lartë edhe nga specialistët e huaj dhe fitoi disa çmime. Njërin prej tyre e mori vitin e krijimit, 2004, në Festivalin Ndërkombëtar Ueb në pushimoren bregdetare bullgare Allbena, ku u shpall Sajt i Vitit.