“Financial Times” (FT)tashmë ka seli të vet në kryeqytetin bullgar dhe deri në fundin e vitit në të do të punojnë 130 nëpunës, të cilët do të merren me analizën ekonomike, inxhinierinë dhe dizajnin e platformave digjitale të botimeve të specializuara të medias. Gjatë inaugurimit të zyrës së re kryetarja e bashkisë Jordanka Fandëkova tha se zgjedhja e Sofjes nga një nga mediat e rëndësishme botërore në fushën e biznesit është një shenjë për mirëbesim dhe për mundësitë e kryeqytetit bullgar. Drejtori i FT Kate O'Riordan tha se Sofja është zgjedhur ndër disa vende të ndryshme në Azi dhe Evropë. Kryeqyteti bullgar është parapëlqyer për shkak të reputacionit të tij si qendra teknologjike e Ballkanit.