52 për qind nga bullgarët nuk mendojnë se ka nevojë për zgjedhje të parakohshme parlamentare, tregon një anketimi i Agjencisë “Trend” bërë pas zgjedhjeve vendore në Bullgari. Mezi 16 për qind nga të anketuarit shprehen për zgjedhje të parakohshme. Puna e qeverisë miratohet nga një e treta e njerëzve, përderisa 53 për qind japin vlerësim negativ. 60 për qind nga të anketuarit janë të mendimit se kabineti do të ketë mandat të plotë. Partia në pushtet GERB ka përkrahjen e 23.8 për qind të të anketuarve, përderisa Partia Socialiste Bullgare në opozitë mbledh 18.4 për qind. Forca e tretë politike – Lëvizja për të Drejta dhe Liri është me miratim nga 6.9 për qind. Në vendin e katërt me përkrahje nga 5.1 për qind është partia e re “Nuk ka shtet të tillë” të shoumentit Sllavi Trifonov. 27 për qind nga bullgarët presin përmirësim të perspektivës ekonomike gjatë vitit 2020, 17 për qind – keqësim, përderisa 44 për qind – nuk presin ndryshime.