Në prag të festës studentore dhe edicionit të tretë të festivalit kushtuar 8 dhjetorit, pushimorja Pamporovo pret më se 2000 studentë nga mbarë vendi. Për festivalin dyditor studentor u ngrit një çadër speciale me pajisje moderne audio-vizuale. Për shkak të interesit të rritur studentor sivjet çadra është më e madhe sesa vitin e kaluar. Më se 15 nga muzikantët më të njohur bullgarë do të marrin pjesë në edicionin e sivjetshëm të festivalit që do të mbahet më 7 dhe 8 dhjetor. Për grupet studentore nga qytetet Sofja, Plovdiv, Burgas, Varna u organizua edhe transport me autobusë. Lidhur me aksidentet rrugore, të cilat shpeshtohen ditët rreth festës studentore, studentë nga Plovdivi organizuan një sërë iniciativash për ngasjen e sigurt.