Me urdhër të Ministrit të Shëndetësisë Kirill Ananiev afati i masave të aplikuara kundërepidemike në Bullgari në lidhje me përhapjen e Covid-19 zgjatet deri në 13 maj 2020. Vendimi u argumentua me gjendjen e vështirësuar në vend, me vendimin e Parlamentit nga data 3 prill 2020 për zgjatjen e afatit të gjendjes së jashtëzakonshme dhe me rekomandimet e Shtabit Operativ Kombëtar. Deri në 13 maj do të mbeten të mbyllura shkollat dhe kopshtet e fëmijëve. Mbeten të kufizuara daljet dhe hyrjet nga qytetet më të mëdha. Mbetet gjithashtu ndalesa për vizitat në parqet publike dhe kërkesa që njerëzit e moshës nën 60 vjeç të mos i vizitojnë dyqanet ushqimore dhe farmacitë nga ora 08.30 deri në 10.30 të mëngjesit. Mbeten të mbyllura edhe lokalet dhe qendrat tregtare.