Një ansambël i njohur folklorik befasoi mjekët në spitalin “Pirogov” në Krishtlindje

Ansambli i njohur folklorik “Filip Kutev” organizoi një befasim special me rastin e Krishtlindjeve në spitalin më të madh në Bullgari për ndihmë urgjente “Pirogov”, transmetoi Televizioni Kombëtar Bullgar. Me një koncert të improvizuar në oborrin e spitalit ai krijoi një atmosferë festive posaçërisht për punonjësit mjekësorë që luftojnë kundër Covid-19 në vijën e parë – heronjtë e këtij viti, të cilët janë në punë edhe në Krishtlindje dhe Vitin e Ri.

Ansambli planifikon dhe një koncert bamirës për mjekët në vijën e parë.

U lexua një lutje për përballimin e pandemisë së Covid-19

Në katedralen “Shën Aleksandër Nevski” Shenjtëria e tij Patriku bullgar dhe Mitropolit i Sofjes Neofit kryesoi shërbimin festiv me rastin e Krishtlindjeve.

Ai i përshëndeti të krishterët me fjalët: “Në ditët dhe muajit e sprovave të reja dhe të rënda, të cilat ne i përjetojmë bashkë me tërë botën dhe tërë njerëzimin, përsëri ndiejmë sot gëzim dhe shpresë për Lindjen e Krishtit”.

Gjatë shërbimit u lexua gjithashtu lutje për përballimin e pandemisë së koronavirusit.

772 janë rastet e reja të Covid-19

772 janë rastet e reja të koronavirusit në Bullgari të regjistruara gjatë 24 orëve të fundit. Kjo është 21% e 3669 testeve të kryera. 2407 prej tyre janë PCR (627 pozitive), ndërsa ato të antigjenit janë 1262 (145 pozitive). 139 janë rastet e reja të regjistruara në Sofje, pas kryeqytetit renditet Varna – 72 raste, dhe Burgas – 57, tregojnë të dhënat e Portalit Unik Informativ rreth mesnatës.

Në spital ndodhen 5671 të infektuar me koronavirus, 521 prej tyre janë në repartet intensive. 1215 janë të shëruarit gjatë 24 orëve të fundit, të vdekurit janë 45.

Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.