Në një ditë 699 njerëz u vaksinuan kundër Covid-19

Për ditën e dytë në Sofje dhe qytete të tjera në Bullgari, vazhdon vaksinimi i mjekëve që punojnë në vijën e parë kundër Covid-19. Drejtori i Spitalit “Aleksandrovska” të kryeqytetit, Prof. Boris Bogov, tha para BNR se pothuajse të gjithë kolegët e tij nga reparti Covid shprehën dëshirën për t'u vaksinuar.

Gjatë vizitës së tij në një spital të Sofjes Ministri i Shëndetësisë Prof. Kostadin Angellov theksoi se 699 njerëz u vaksinuan ditën e parë të fushatës 27 dhjetor. Kryeinspektori shtetëror shëndetësor Angell Kunçev tha para BNR se për momentin nuk ka të dhëna për efektet anësore të të vaksinuarit.

1000 njerëz do të testohen për efektivitetin e vaksinës

Në Bullgari një pjesë e të vaksinuarve kundër Covid-19 do të testohen në mënyrë që të sqarohet efektiviteti i vaksinës. Kjo u njoftua nga Kryeinspektori Shëndetësor Shtetëror doc. Angel Kunchev në Plovdiv. Cituar nga BTV, ai tha se studimet do të fillojnë me një mijë njerëz që do të testohen në muajin e dytë dhe të gjashtë, si dhe një dhe dy vjet pas vaksinimit.

Më herët sot, gjatë një vizite në një spital të Sofjes, Kryeministri Bojko Borisov tha që ne do të merrnim vaksina të ndryshme dhe mjekët e përgjithshëm do të ishin në gjendje të rekomandonin se për kë cila vaksinë është më e përshtatshme. Ai tha se ditët e fundit ka pasur një tendencë për të lehtësuar sistemin shëndetësor - me një rritje në numrin e shërimit nga Covid-19 dhe një rënie të vdekjeve.

11.81 për qind janë pozitiv nga 2810 teste

332 janë rastet e reja të koronavirusit në Bullgari, të regjistruara për 24 orët e fundit. Shumica e tyre janë në Sofje - 109, pasuar nga rrethet e qyteteve Plovdiv - me 27 dhe Pleven - me 23 raste. Këtë e tregojnë të dhënat e Portalit të Unifikuar të Informacionit, të azhurnuara në mesnatë.

11.81 për qind e totalit të 2810 testeve të kryera janë pozitive. Testet PCR të kryera ishin 1906, antigjenet - 904.

Në 24 orët e fundit, 41 njerëz vdiqën me koronavirus të provuar. Në spitale ndodhen 5571 pacientë me infeksionin Covid-19, prej tyre 523 janë në njësitë e kujdesit intensiv.

1266 janë ata që u shëruan.

Rastet aktive janë 79 544.

U hap sezoni i skive në pushimoren Borovec

Filloi sezoni i skive në vendpushimin dimëror Borovec të malit Rila. Për shkak të mbulimit të pamjaftueshëm të borës, zona e skive do të jetë pjesërisht e hapur dhe me kompromise në cilësinë e pistave. Zonat e problemeve janë shënuar dhe rrëshqitja e natës nuk do të lejohet.

Masat antiepidemike do të zbatohen edhe në pistat - distanca sociale dhe maska ​​që mbulojnë gojën dhe hundën, si brenda dhe jashtë.

Në hapjen e sezonit të skive asistoi Zëvendës Kryeministrja dhe Ministre e Turizmit Mariana Nikollova.

Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.