Asnjë ndryshim në pozitën e Bullgarisë nuk pritet për të filluar negociatat me Maqedoninë e Veriut për anëtarësimin në BE edhe pas formimit të qeverisë së ardhshme bullgare. Këtë e thanë eurodeputetë nga të gjitha grupet politike në Parlamentin Evropian duke iu përgjigjur pyetjes së programit “Horizont” të BNR-s gjatë një debati virtual mbi perspektivën evropiane të Ballkanit Perëndimor.

Eurodeputeti nga Partia Popullore Evropiane Andrej Kovaçev kujtoi se vendi ynë ka një pozitë të gjerë, të votuar nga një shumicë e madhe në parlament e cila është në përputhje me vlerat themelore evropiane.

Eurodeputeti nga Aleanca Progresive e Socialistëve dhe Demokratëve Petër Vitanov kujtoi se të gjithë 17 eurodeputetët bullgarë votuan mbi raportin për përparimin e Maqedonisë së Veriut.