Vendi ynë do të përpiqet të shfrytëzojë mekanizmat e Bashkimit Evropian për të zbuluar liri më të madhe fiskale në lidhje me shpenzimet e mbrojtjes, duke iu përmbajtur një politike financiare konservatore në dritën e anëtarësimit të pritur në eurozonë. Këtë e deklaroi ministri i mbrojtjes Atanas Zaprjanov në takimin e krerëve të shteteve dhe qeverive në Vilnius, njoftoi qendra e shtypit e ministrisë, e cituar nga BTA. Ministri bullgar theksoi se në Samitin e ardhshëm të NATO-së në Hagë, Aleanca duhet të riafirmojë rolin e saj si garantuesi kryesor i sigurisë kolektive në zonën euroatlantike. Lidhur me shpenzimet e mbrojtjes, ai theksoi rëndësinë jo vetëm të ndarjes së më shumë fondeve, por edhe të shfrytëzimit të këtyre burimeve në mënyrë më efektive, duke marrë parasysh prioritetet e sigurisë dhe mbrojtjes.

Redaktoi: Diana Cankova

Përgatiti në shqip dhe publikoi: Svetllana Dimitrova

Foto: Ministria e Mbrojtjes