Bullgaria e konsideron Shtetin e Izraelit si një partner strategjik kyç, dhe marrëdhëniet tona të shkëlqyera mund të japin një shtysë të fortë në sektorët e tregtisë, inovacionit, arsimit, bujqësisë dhe turizmit. Këtë e deklaroi kryeministri Rosen Zheljazkov gjatë një takimi me organizata kryesore hebraike, i cili u zhvillua në Nju Jork, raportoi korrespondenti i BNR, Svetosllav Kozllovski. “Bullgaria vazhdimisht bën thirrje për lirimin e menjëhershëm dhe të pakushtëzuar të të gjithë pengjeve. Kriza me pengjet prek drejtpërdrejt edhe vendin tonë. Ndër personat që ende mbahen nga “Hamas” është edhe një shtetas bullgar”, theksoi kryeministri. Ai nënvizoi se është e domosdoshme të garantohet mbrojtja e të gjithë civilëve, përfshirë punonjësit humanitarë, në çdo kohë, si dhe e infrastrukturës civile, si institucionet mjekësore, shkollat dhe ambientet e OKB-së.
Kujtesa historike është ajo që para së gjithash lidh Bullgarinë me popullin hebre. Këtë vit u përkujtuan 82 vjet nga shpëtimi i hebrenjve bullgarë, rikujtoi kryeministri Zheljazkov.
“Takimi ynë është shprehje e miqësisë së gjatë dhe respektit të ndërsjellë mes Bullgarisë dhe komunitetit hebre. Ne besojmë se dialogu, kujtesa dhe bashkëpunimi janë në themel të lidhjeve tona të forta dhe të përpjekjeve për një të ardhme më të mirë dhe më të drejtë për të gjithë. Vlerësojmë qëndrimin e Bullgarisë në luftën kundër antisemitizmit dhe në mbështetje të mirëkuptimit ndërkulturor. Për ne është e rëndësishme të vazhdojmë punën e përbashkët në fusha si arsimi, ruajtja e kujtesës historike dhe nxitja e tolerancës në shoqëri”, tha nga ana e tij Mark Levin, nënkryetar ekzekutiv dhe drejtor i përgjithshëm i Koalicionit Kombëtar për Mbështetjen e Hebrenjve të Euroazisë.
Redaktoi: Ivo Ivanov
Përgatiti në shqip dhe publikoi: Svetllana Dimitrova
Foto: government.bg
Qëllimi politik i qeverisë është anëtarësimi i plotë i Bullgarisë në Organizatën për Bashkëpunim dhe Zhvillim Ekonomik (OECD) deri në fund të vitit 2026, u tha zëvendëskryeministri Grozdan Karaxhov përfaqësuesve të biznesit britanik në vendin tonë...
Dyzet e nëntë për qind e inxhinierëve dhe shkencëtarëve të punësuar në vendin tonë janë gra, u bë e qartë në tryezën e rrumbullakët "Gratë në Inovacion" të mbajtur në Sofje. Në sektorin e teknologjisë, 27% e specialistëve të IT-së janë gra, gjë që na..
Këshilli Bashkiak në Karllovo vendosi të fillojë procedurën për ndryshimin e statusit të pronës në të cilën është planifikuar ndërtimi i një fabrike baruti dhe municionesh - në bashkëpronësi të “Vazovski Mashinostroitellni Zavodi” – VMZ (Fabrikat e..
Fshati Hotanca, në komunën e Rusës, është mikpritës i “Festës së Dollmës së Hotancës” – një festival kulinar dhe folklorik, i organizuar nga Biblioteka..
Transporti hekurudhor i pasagjerëve në BE u rrit me 5.8% gjatë vitit 2024, sipas të dhënave të fundit të publikuara nga Agjencia Statistike Eurostat...
Po bie ndjeshëm besimi i bullgarëve në lidhje me financat e tyre personale. Këtë e tregon një anketim i Agjencisë Sociologjike “Mjara”, i zhvilluar midis..
Vranësira të dendura
Vranësira
Pjesërisht me re