Bullgaria është identifikuar zyrtarisht si një nga vendet e BE-së në rrezik nga presioni i migracionit, njoftoi korrespondentja e BNR-së në Bruksel Angelina Piskova, duke cituar raportin e parë vjetor të Komisionit Evropian mbi menaxhimin e migracionit dhe azilit. Dokumenti është pjesë e zbatimit të Paktit për Migracionin dhe Azilin, i cili pritet të hyjë në fuqi në qershor 2026.

Vendi ynë do të ketë të drejtë të kërkojë një përjashtim të plotë ose të pjesshëm nga kontributet e tij në Fondin e ardhshëm të Solidaritetit. Arsyet kryesore për marrjen e këtij statusi janë numri i madh i migrantëve që vijnë, presioni mbi sistemet e pritjes, si dhe rreziku i përdorimit të migracionit si armë hibride nga vende të tilla si Rusia dhe Bjellorusia.

Komisioni Evropian propozon që Bullgaria, Belgjika, Gjermania, Estonia, Irlanda, Franca, Kroacia, Letonia, Lituania, Holanda, Polonia dhe Finlanda të kenë akses prioritar në paketën evropiane të ndihmës teknike dhe financiare për të luftuar migracionin. Përveç kësaj, situata e secilit vend do të rishikohet me shpejtësi në varësi të dinamikës së situatës së migracionit.

Redaktoi: Diana Cankova

Përgatiti në shqip dhe publikoi: Vesella Mançeva

Foto: BTA