Bullgaria kundërshton me qëndrueshmëri çdo propozim për heqjen e kërkesës për unanimitet në marrjen e vendimeve brenda Politikës së Përbashkët të Jashtme dhe Politikës së Sigurisë të BE-së. Këtë e deklaron ministri i punëve të jashtme Georg Georgiev, në përgjigje të një pyetjeje të deputetit të partisë “Vëzrazhdane” Zllatan Zllatanov, e publikuar në faqen e parlamentit, transmeton BTA. “Duke marrë vendime me unanimitet, BE-ja tregon qartë aftësinë për të vepruar në mënyrë vendimtare ndaj sfidave të shumta gjeopolitike në vitet e fundit, duke respektuar ndjeshmërinë kombëtare të shteteve anëtare”, thekson ministri. “Vendimet me shumicë të kualifikuar zakonisht nuk reflektojnë të njëjtin nivel angazhimi politik”, shton Georgiev, duke theksuar: “Besojmë se në këtë situatë komplekse gjeopolitike është jashtëzakonisht e rëndësishme që BE-ja të ruajë unitetin e tij, duke marrë parasysh interesat e të gjitha shteteve anëtare.”

Një javë më parë, komisionerja e BE-së për zgjerimin, Marta Kos, propozoi që me unanimitet të merren vetëm vendimet për fillimin dhe përfundimin e negociatave me shtetet kandidate për anëtarësim.