Festivali ndërkombëtar filloi në fillim të muajit maj, me një program paraprak. Pallati Kombëtar i Kulturës është mikpritësi tradicional i ngjarjes. Drejtori i tij ekzekutiv Mirosllav Borshosh, bashkë me ekipin e vet është munduar dhe sivjet të prezantojë një mori interesante prej ngjarjeve kulturore. Në kuadrin e një muaji do të prezantohen artistë nga gjinitë e ndryshme. Muzika ka vendin e vet të posaçëm në afishen e festivalit. Fansat do të mund të shijojnë interpretime korale, xhaz koncerte, muzikë klasike, si dhe një bashkëpunim midis tyre. Më 10 maj kori “Zërat kozmikë” me dirigjent Vanja Moneva zhvilloi koncert, i cili i përkushtohet dirigjentit të madh koral bullgar Vasill Arnaudov. Krijime të autorëve bullgarë e kthyen publikun gjatë viteve të arta të artit koral vendas, mes të cilëve krijime të Dobri Hristovit, Filip Kutev, Petër Ljondev dhe shumë të tjerë.
Programi muzikor i festivalit vazhdon me një koncert të Angjell Zaberskit trio dhe prezantimin e albumit të tij të dytë “Like Jazz”. Fansat do të mund ta dëgjojnë më 14 maj në sallën numër 6. Muzika nga ky album është e frymëzuar nga epoka e Romantizmit, ku pianisti i talentuar e rikrijon në bazë të një mënyre të vet si krijimet e Shumanit, Çajkovski e të tjerë.
Më 17 maj në sallën numër 1, formacioni fënk “Akaga” do t’i befasojë fansat e vet duke dalë në skenë me kuartetin e telave Quarto Qvartet. Projekti i cili i mbledh në një skenë quhet “Libido projekt”. Fënk, fjuzhën, xhaz dhe klasikë do të gërshetohen me ritmin e DJ Borche. Në të njëjtën mbrëmje adhuruesit e muzikës klasike mund të dëgjojnë Ansamblin e Dhomës “Ars Muzika”, i cili feston 30 vjetorin nga krijimi i vet. Sivjet bota feston dy përvjetorë të mëdhenj – 260 vjet nga lindja e Mocartit dhe 160 vjet nga vdekja e Shumanit. Krijime të këtyre kompozitorëve të mëdhenj janë në programin e grupit të dhomës.
“Net në një saten të bardhë” është emri i koncertit, me të cilin xhaz prima Kamelija Todorova do të pushtojë sallën numër 1 më 18 maj. Në kompaninë e Braz Asociacionit Kombo, të Filarmonisë së Sofjes dhe të Korit Kombëtar të Filarmonisë “Svetosllav Obretenov” ajo do të ringjallë një pjesë nga këngët e veta. “Zbulim”, “Ëndrra të pëshpëritur”, “Mos më shiko kështu djalë” dhe akoma shumë të tjera do t’i dëgjojmë në aranzhime të Sllavill Dimitrovit nga Kori i Filarmonisë Kombëtare.
Pianisti Zhivko Petrov do të përfaqësojë albumin e parë solo me muzikë klasike “After 4” për të cilin mori çmimin e madh “Lira e kristaltë” nga Lidhja e Krijuesve Muzikore dhe të Vallëzimit.
