1400 veta nga mbarë vendi u nisën në rrugën e Çetës së Botevit si shenjë respekti ndaj heroizmit të revolucionarëve bullgarë. Iniciativa zhvillohet për të 73-in vit me radhë. Itinerari është me gjatësi 120 kilometra nga bregu i Kozllodujit deri në majën Okollçica dhe do të kalohet nga pjesëmarrësit në kuadrin e 5 ditëve. Më 17 maj 1876 në bregun e Danubit në rajonin e qytetit Kozlloduj u zbrit çeta e emigrantëve bullgarë dhe u nis për në Ballkanin, që t’i ndihmojë pjesëmarrësit në Kryengritjen e Prillit, me shpresën se së shpejti Bullgaria do të çlirohet nga zgjedha pesëshekullore turke. Në krye të çetës ishte revolucionari dhe poeti i madh Hristo Botev, i cili u vra në malin Stara Pllanina në rajonin e majës Okollçica.
