Për herë të 31-të Bullgaria merr pjesë në ekspozitën më të madhe ndërkombëtare për produkte bujqësore dhe për ushqime “Java e Gjelbër 2020” në Berlin. Ky është edicioni i 85-të i ekspozitës.
Ministrja e bujqësisë dhe ushqimeve Desisllava Taneva ishte e pranishme gjatë hapjes së sektorit bullgar. 19 prodhues nga vendi ynë në sipërfaqe 143 metra katrore ofrojnë degustime të verërave, produkte biologjike, vajra eterike, vaj arre, mjaltë të llojeve të ndryshme dhe produkte të bletarisë, mish dhe bulmetra, ëmbëlsira, lëngje dhe brumra. Ka dhe një kënd të posaçëm turistik.
Qëllimi i pjesëmarrjes së prodhuesve bullgarë është reklama dhe popullarizimi i kuzhinës bullgare, si dhe mundësive për turizëm dhe pushim. Vitin e kaluar ekspozita ishte vizituar nga 400 mijë veta.
