Komisioni i Përbashkët Bullgaro-Maqedonas për Çështje e Diskutueshme Historike takohet online më 21 dhe 22 tetor. Në takimin e 15-të, shkencëtarët do të diskutojnë përsëri temën për Mbretin Samuill dhe Goce Dellçev, tha për BGNES Prof. Angell Dimitrov, bashkëkryetar i komisionit për palën bullgare. “Tekstet e tyre shkollore vazhdojnë të fusin urrejtje të ashpër ndaj popullit dhe shtetit bullgar”, theksoi anëtari i komisionit Prof. Kirill Topallov. Pas 3 vitesh takime të pafrytshme, shkencëtarët bullgarë presin që shkencëtarët maqedonas të shfaqin inteligjencë dhe profesionalizëm, edhe pse po ndjekin udhëzimet e drejtpërdrejta të qeverisë në Shkup. Puna e komisionit është një moment kyç i Marrëveshjes së Fqinjësisë së Mirë dhe Miqësisë midis dy vendeve.
