Eurodeputetët e Grupit të Monitorimit janë seriozisht të shqetësuar për "luftën e qeverisë bullgare kundër prokurorisë", tha korrespondentja e BNR në Bruksel, Angelina Piskova.
Është kërkuar shpjegim për deklaratat publike të kryeministrit Kirill Petkov se “roli ynë është të vendosim njerëz në prokurori dhe në komisionin kundër korrupsionit”. Ata këmbëngulin të shpjegojnë se çfarë pritet nga mbyllja e përshpejtuar e gjykatave dhe prokurorisë së specializuar, cilat janë garancitë që nuk do të mbyllen proceset gjyqësore ndaj oligarkëve me interesa të mëdha ekonomike.
Prokurori i Përgjithshëm duhet të përgjigjet se përse i është mohuar mbrojtja një dëshmitari kyç në hetimin e korrupsionit në ndërtimin e autostradës "Hemus".
