Prioritetet e ministrisë sociale për vitin 2010

botuar më 09-12-28 12.32.MD

Ministri i punës dhe politikës sociale Totju Mlladenov

Foto: Lina Ivanova

Trajnim dhe rikualifikim i të papunëve, ndihmë dhe integrim i njerëzve me çrregullime dhe sigurim i pensioneve adekuate për njerëzit e moshuar. Këto janë disa nga problemet kryesore, mbi të cilat do të punojë Ministria e Punës dhe Politikës Sociale gjatë vitit 2010.

Aktualisht niveli i papunësisë në Bullgari është rreth 9%. Prognoza e qeverisë për vitin tjetër është se numri i të papunëve do të shtohet me dy e gjysmë për qind. Sipas ministrit të punës Totju Mlladenov me mjetet e lëshuara nga Fondi Social Evropian në kuadër të programit operativ “Resurset njerëzore” do të trajnohen dhe rikualifikohen mbi 250 mijë të papunë. Masa antikrizë kërkohen dhe nëpërmjet programeve të përbashkëta ndërkombëtare. Ministri Mlladenov prezantoi një mundësi të tillë:

“Gjatë muajve të fundit pata disa takime me ministrin e punës të Koresë, gjatë nënshkrimit të marrëveshjes administrative midis Bullgarisë dhe Koresë. Vitin tjetër do ta ftojmë të jetë mysafir i Ministrisë së Punës dhe Politikës Sociale, pasi ka një interes të madh nga ana e investitorëve koreanë. Po diskutojmë mundësinë të krijohen qendra bullgaro-koreane për trajnim dhe kualifikim, si ato që kishim krijuar para disa vjetëve me Gjermaninë. Nga Koreja do të na dërgojnë specialistë, të cilët të trajnojnë kuadrot tona për investimet e tyre të ardhshme në Bullgari. Në këtë drejtim punojmë me Izraelin dhe me Francën. Këtej e tutje duhet të stimulojmë projekte konkrete të lidhura me trajnimin, kualifikimin dhe rikualifikimin e punonjësve në Bullgari, që të kemi punonjës të aftë për konkurrencë për investimet e huaja në vendin tonë” – tha ministri Totju Mlladenov.

Fushat, në të cilat pritet të drejtohen interesat e huaj për investim, janë teknologjitë e larta, prodhimi i gjelbër dhe projekte energjetike ekologjike. Këto janë profesionet e së ardhmes, siç i përcaktoi ministri Totju Mlladenov. Nga programi operativ “Zhvillimi rajonal” do të lëshohen mbi 20 milionë euro për ndërtim të banesave të posaçme për njerëz me çrregullime dhe fëmijë të privuar nga kujdesi prindëror. Ambicia e ministrisë sociale është që gjatë vitit 2010 për njerëzit me çrregullime të përpunohen shërbime të posaçme sociale, specifike për ta. Po të ketë mjaft të ardhura në buxhetin e shtetit në mes të vitit, mund të rriten pensionet me 5%.

“Ne duhet t’u sigurojmë pensione adekuate njerëzve në Bullgari, por njëkohësisht duhet të ndryshojmë modelin e pensioneve – tha ministri Mladenov. – Pensionet merren sipas kontributit të sigurimit të secilit. Hap pas hapi do të heqim tavanin e pensioneve. Kjo do të jetë e vetmja mënyrë të motivojmë njerëzit të paguajnë sigurime në bazë të rrogave të tyre reale.”

Për sa i përket rritjes së moshës së pensionimit, ministri Mlladenov është i mendimit se nuk është e nevojshme që kjo të bëhet vitin tjetër, kurse brenda një periudhe prej 10 vjetëve. Sipas tij kjo do të pranohet më lehtësisht si nga njerëzit, ashtu edhe nga biznesi.

Përgatiti në shqip: Ekaterina Tarpomanova

По публикацията работи: Lina Ivanova

Последвайте ни и в Google News Showcase, за да научите най-важното от деня!

Ndaje

Prioritetet e ministrisë sociale për vitin 2010

Më shumë nga rubrika

WWF Bullgaria i kushton vëmendje mbrojtjes së arinjve

Pse disa nga rrugët e Pragës mbajnë emrat e iluministëve bullgarë?

A do të çojë në një sulm bërthamor vendimi i SHBA-ve për të lejuar Ukrainën të godasë objektiva brenda Rusisë me armë të tyre?

Magji festive me këngë, valle dhe takime me Plakun e Krishtlindjeve në Qytezën e Festave të Fundvitit në Pleven

Bullgaria bëhet vendi i katërt evropian që zbaton inovacione për trajtimin e plagëve kronike

Gjimnazistë bullgarë në një betejë me dezinformimin