Bashkimi më i madh i pacientëve në Bullgari

botuar më 10-02-05 1.04.MD

Sipas të dhënave të anketimit me temë “Dhënia e autorizimeve të pacientëve evropianë – mundësi dhe rëndësi”, Bullgaria është në vendin e fundit në Evropë për nga mbrojtja e të drejtave të pacientëve.

Foto: BGNES

Me gjithë të jetojë mirë, njeriu dashje ose pa dashje, në një moment hyn në rolin e pacientit, fakt nga i cili për të rrjedhin probleme të shumta. Në Bullgari, ku realizohet një reformë shëndetësore, situata është edhe më e ndërlikuar. Pacientët jo rrallë hasin pengesa të ndryshme burokratike. Për më tepër – sipas të dhënave të anketimit me temë “Dhënia e autorizimeve të pacientëve evropianë – mundësi dhe rëndësi”, Bullgaria është në vendin e fundit në Evropë për nga mbrojtja e të drejtave të pacientëve. Në mënyrë negative vlerësohen edhe një sërë kriteresh shëndetësore, si legjislacioni kombëtar në këtë fushë, zgjedhja e furnizuesve të shërbimeve mjekësore, ekzistenca e programeve kombëtare të skriningut të sëmundjeve me rëndësi sociale, pagimi joformal i mjekëve dhe i infermiereve, përjashtimi i organizatave të pacientëve në miratimin e vendimeve të ndryshme politike në fushën e shëndetësisë.

Pritet e gjithë kjo të ndryshohet me krijimin e organizatës më të madhe të pacientëve në Bullgari. Aktualisht në të u përfshin 21 organizata kombëtare të pacientëve dhe 23 shoqata rajonale. Organizata disponon një telefon për mendime dhe rekomandime të pacientëve me sëmundje të ndryshme dhe me një sajt të vet. Ajo është gati të bashkëpunojë me të gjitha organizatat e pacientëve në vendin tonë dhe me institucionet shtetërore të angazhuara me zgjidhjen e çështjeve të ndryshme shëndetësore dhe me politikat e ndryshme në fushën e shëndetësisë. Krijimi i organizatës kombëtare të pacientëve iu referohet domosdoshmërisë së mbrojtjes së të drejtave të pacientëve pavarësisht nga sëmundjet e tyre, seksi, mosha, etnosi, feja.

Kryetari i organizatës kombëtare të pacientëve, doktor Stanimir Hasërxhiev shpjegon:

“Organizata kombëtare e pacientëve do të punojë për formimin e një politike më të mirë shëndetësore, për sigurimin shëndetësor të çdo qytetari bullgarë, për pjesëmarrjen e mbarë shoqërisë në miratimin e vendimeve për buxhetin në shëndetësi. Organizata do të punojë edhe për përfshirjen e pacientëve në politikën shëndetësore dhe në punën e institucioneve shëndetësore në Bullgari. Qëllimi është, që sistemi shëndetësor të jetë jo vetëm i arritshëm, por të jetë në dobi për çdo qytetar bullgar. Për realizimin e ideve do të organizojmë një sërë fushatash arsimore dhe projektesh publike. Kështu do të përpiqemi të bëjmë bullgarët më të arsimuar, më të shëndoshë dhe më të ditur.”

Projekti i parë i organizatës kombëtare të pacientëve është me emrin “Pranë teje”. Ai është i orientuar te organizatat rajonale të pacientëve. Nëpërmjet tyre organizata do të

kërkojë përfaqësi në pikat më të largëta, kështu që çdo pacient të ndjejë veten pjesë prej një shoqërie të madhe. Për këtë projekt zëvendës kryetarja e organizatës kombëtare të pacientëve doktoresha Evgenija Adërska shpjegon: “Organizata do të disponojë shumë ekspertë. Në të bëjnë pjesë shumë profesionistë. Disponojmë një ekip juristësh – noterë dhe avokatë. Krahas kësaj në organizatën tonë punojnë ekonomistë dhe financierë. Ata janë njerëz me përvojë dhe dëshirë të punojmë për mbrojtjen e kauzës së pacientëve.”

Për herë të parë në Bullgari organizatat e pacientëve miratuan dhe nënshkruan një Kod Etik, sinkronizuar me standardet më moderne evropiane dhe botërore. Kodi rregullon marrëdhëniet me institucionet, me kompanitë farmaceutike dhe midis vet organizatave joqeveritare.

Përgatiti në shqip: Svetllana Dimitrova

По публикацията работи: Diana Hristakieva

Последвайте ни и в Google News Showcase, за да научите най-важното от деня!

Ndaje

Bashkimi më i madh i pacientëve në Bullgari

Më shumë nga rubrika

Patriku bullgar Daniill bekoi fëmijët për vitin e ri shkollor

Udhëzues për prindërit: si të përcjellim në shkollë nxënësin e klasës së parë nga brezi "Alfa"

Helikopteri Mi-2 është "heroi" kryesor i Muzeut të Aviacionit në Burgas në shtator

Udhëzues për prindërit: si të përcjellim në shkollë nxënësin e klasës së parë nga brezi "Alfa"

Patriku bullgar Daniill bekoi fëmijët për vitin e ri shkollor