Kultura muzikore bullgare jashtë shtetit

botuar më 10-02-08 10.47.PD

Hilda Kazasjan është ndër interpretuesit e xhazit më të dashur në Bullgari.

Foto: BGNES

AUDIO

Update Required To play the media you will need to either update your browser to a recent version or update your Flash plugin.

Gjatë vitit të fundit këngëtarja Hilda Kazasjan dhe kavallxhiu Teodosij Spasov bënë disa turne jashtë shtetit. Koncerti i fundit ishte në Japoni, me ftesën e provincës Jamagata. Hilda Kazasjan është ndër interpretuesit e xhazit më të dashur në Bullgari. Trioja, me të cilën ajo vizitoi Japoninë, është prej muzikantësh të elitës bullgare të xhazit. Përveç muzikantit Teodosij Spasov, në formacion marrin pjesë pianisti Rumen Toskov dhe perkusionisti Hristo Jocov. Ata patën një sukses të madh në të katër koncertet që dhanë. Interesin e publikut e tërhoqën dhe shfaqjet e muzikantëve bullgarë në një nga klubet më të famshme të xhazit në botë – “Blue Note Club” në Tokio. Koncertet e muzikantëve tanë ishin pjesë e nismës që zhvillohet me mbështetjen e ambasadës së Japonisë tek ne. Ideja është që në Japoni të prezantohen muzikantë të njohur nga vendet pranë Danubit.
***
Në shkollat muzikore të Bullgarisë ka një traditë interesante – të paktën një herë në vit pedagogët japin koncerte para kolegëve dhe nxënësve të tyre. Një koncert i tillë me pjesëmarrjen e pedagogëve muzikorë bullgarë u mbajt në Nikozinë e Qipros. Shfaqja u organizua nga Bashkimi i bullgarëve në Qipro. Një fakt pak i njohur është se në krijimin e shkollës së sotme pedagogjike në këtë vend kanë marrë pjesë shumë bullgarë. Me një kontribut të madh është docentja Lidia Kuteva, e cila shumë vite ka punuar në Qipro. Sot muzikantët bullgarë vazhdojnë të marrin pjesë në jetën muzikore të vendit. Në koncertin në Nikozi u shfaq Miroslav Gospodinov – një dirigjent bullgar dhe pedagog këndimi në Akademinë Muzikore të Nikozisë. Ai është udhëheqës artistik i një grupi vokal fëmijësh me emrin “Zërat bullgarë”. Në Bullgari Miroslav Gospodinov udhëhiqte grupin e fëmijëve “Zilet e argjendta”.
***
Tani vonë në Institutin kulturor bullgar “Wittgenstein” në Vjenë dha koncert pianistja Ekaterina Vladigerova. Publiku dëgjoi pjesa të saj origjinale. Ajo është bija e kompozitorit Aleksandër Vladigerov dhe mbesa e kompozitorit tonë të madh Panço Vladigerov. Mbaroi Shkollën muzikore “Ljubomir Pipkov”, Akademinë muzikore “Panço Vladigerov” dhe Akademinë muzikore të Vjenës. Vitet e fundit punon në Vjenë, merret aktivisht me incizime dhe koncerte, merr pjesë dhe në programe dhome.

Përgatiti në shqip: Ekaterina Tarpomanova

По публикацията работи: Allbena Bezovska

Последвайте ни и в Google News Showcase, за да научите най-важното от деня!

Ndaje

Kultura muzikore bullgare jashtë shtetit

Më shumë nga rubrika

Edicioni i vjeshtës i SoFest i bashkon artet

Në “Librin e këngëve të BE-së” u përfshin 6 këngë të përjetshme bullgare

Një tjetër njohje e muzikës sonë amtare në këngën "Përgjithmonë"

“Të mos ndalojmë së kërkuari” – mesazhi në muzikën e Zhivko Vasilevit

Grupi “Kanella”, aroma e fëmijërisë dhe bukuria e poezisë