Kronikë e ngjarjeve kulturore

botuar më 10-02-19 8.52.PD

Kuadër nga filmi “Pjesa lindore”

Foto: arkiv

Më 31 janar filmi bullgar “Pjesa lindore” i regjisorit Kamen Kallev ishte një prej fituesve të çmimit të madh të jurisë në Festivalin e filmave debut në Anzhe, Francë. Disa ditë më parë ky film bullgar mori edhe çmimin e Nismës qendrore-evropiane të festivalit ndërkombëtar në Triest. Ky çmim u jepet veprave, të cilat në mënyrë më të suksesshme paraqesin realitetin bashkëkohor dhe dialogun midis kulturave të ndryshme. Filmi bullgar fitoi çmimin për arsye se “paraqet një tregim të rëndësishëm që është emblematik për problemet, e lidhura me globalizimin, dhe në të njëjtën kohë ndikon me karakteret unike të personazheve kryesore dhe humanizmin e tyre”. Pas premierës së tij në festivalin e Kanës “Pjesa lindore” ishte ftuar në afro 30 forume ndërkombëtare të kinemasë dhe ka fituar 12 çmime ndërkombëtare.
*
Vazhdojmë me një lajm tjetër filmor, të lidhur me pjesëmarrjen bullgare. Filmi “Bashkëshorte të futbollistëve” do të ketë disa shfaqje në festivalin Berlinale në Programin për regjisorë të njohur gjermanë. Në film aktorja bullgare Vesella Kazakova luan rolin kryesor në partneritet me yllin e ri Sonja Gerhardt.
*
Ekspozita “Dashuria dhe mjeshtërit e shekullit XX-te - Shagal (Chagall), Dali, Picasso, Matisse” u hap në galerinë “Sredec” pranë Ministrisë së kulturës. “LOVE” quhet edhe taboja e piktorit amerikan Robërt Indiana nga pllakati i ekspozitës. Në galerinë “Sredec” adhuruesit e artit modern mund të njihen me veprat origjinale të autorëve të njohur. Tema, që i bashkon është ajo për dashurinë dhe personat, që e shoqërojnë. Ekspozita i ishte kushtuar Festës së të dashuruarve Shën Valentini. Veprat në të janë pronë të Galerisë për artin bashkëkohor, që u hap në fund të vitit të kaluar në Sofje.

Përgatiti në shqip: Maria Peeva

По публикацията работи: Veneta Pavllova

Последвайте ни и в Google News Showcase, за да научите най-важното от деня!

Ndaje

Kronikë e ngjarjeve kulturore

Më shumë nga rubrika

Muzeu “Veliki Presllav” prezanton Rrugën e Kirilit dhe Metodit në Bullgari

Shkolla "Ivan Vazov" në Paris me një sfidë magjike për fëmijët që shkruajnë bullgarisht

Maria Bakallova do të jetë partnere me Sylvester Stallone