Dilema tatimi i vlerës së shtuar është në qendrën e opinionit shoqëror

botuar më 10-05-03 11.14.PD

Vallë, a do të ndërmarrë qeveria bullgare masa pa popullaritet, për evitimin e krizave si ato në Greqi, Spanjë, Portugali dhe kështu të shpëtojë buxhetin e vendit? Pyetja konkrete lidhur me këtë, ka të bëjë me rritjen e tatimit të vlerës së shtuar, i cili aktualisht është 20 për qind. Dhe shoqëria bullgare pret përgjigjen definitive të kësaj pyetjeje të rëndësishme. Parashikimet janë, që tatimi mund të arrijë 24 për qind. Kjo është shifra që diskutohet nga qeveria në nivel ekspertësh. Shkaku është, se masat e diskutuara kundër krizës midis qeverisë, punëdhënësit dhe sindikatave nuk mund të sigurojnë paratë e domosdoshme për thesarin. Dhe vendimi definitiv për tatimin e vlerës së shtuar do të merret më 5 maji në kuadrin e mbledhjes së kabinetit. Ministri i financave Simeon Djankov komentoi para disa ditësh, se rritja e tatimit të tërthortë do t’u dëmtojë konsumatorëve. Prandaj ky hap për grumbullimin e të ardhurve suplementare në thesar deri tashti evitohej. Edhe ministri i ekonomisë Trajço Trajkov u shpreh kundër kësaj mase, sepse ajo nuk stimulon ekonominë. Sipas tij rritja e tatimeve nuk është një masë kundër krizës, sepse kufizon konsumimin. Ai tha, se duhet të bëhen shpenzime për gjenerimin e të ardhurve të reja për stimulimin e investimeve dhe të kryhen më në fund reformat në fushën e shëndetësisë dhe në sistemin e pensionimit.

Nuk vonuan reagimet e punëdhënësve, sindikatave dhe analizuesve ekonomikë. Ata njëzëri drejtuan pyetjen në ç’shkallë rritja e tatimit do të plotësojë buxhetin dhe cilat do të jenë pasojat për ekonominë bullgare. Të gjithë janë të mendimit, se një hap i tillë ka për qëllim të zëvendësojë reformat në sferat joefektive dhe do të provokojë rritjen e çmimeve. Nga Dhoma Ekonomike Bullgare dhe nga Konfederata e Punëdhënësve komentuan, se ideja kryesore e pakos së masave kundër krizës është të mos rriten tatimet. Po këtë pozitë e mbrojnë edhe sindikatat. Analizuesit ekonomikë propozojnë shkurtimin e shpenzimeve dhe reforma urgjente në sektorin publik – shëndetësinë, sistemin e pensionimit, arsimin. Mund të shiten aktive shtetërore, toke, godina edhe të privatizohen ndërmarrje shtetërore. Rritja e tatimit të tërthortë nuk zgjidh problemin, por e transferon mbi sektorin privat dhe familjet. Efekti do të jetë një inflacion më të lartë. Kështu arsyetuan pozitën e vet kundërshtarët e idesë për rritjen e tatimit të vlerës së shtuar.

Mbetet të shikojmë çfarë të ardhura u derdhën në thesar gjatë muajit prill, sepse kjo është periudha më e fortë e plotësimit të tij dhe treguesit janë sinjifikative për tërë vitin. Në sfondin e kësaj kryeministri Bojko Borisov premtoi lajme të mira nga mbledhja e Këshillit të Ministrave më 5 maji. Sipas tij bullgarët do të mbeten të kënaqur nga to. Sipas burimeve jozyrtare deficiti buxhetor tek ne do të kompensohet me aksione të reja kundër kontrabandës dhe derdhjes së tatimit të vlerës së shtuar. Ato janë masat më të mira kundër krizës, siç ka deklaruar jo një herë vet kryeministri.

Përgatiti në shqip: Svetllana Dimitrova

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Dilema tatimi i vlerës së shtuar është në qendrën e opinionit shoqëror

Më shumë nga rubrika

Kristalina Georgieva bëri thirrje për rritjen e të ardhurave dhe uljen e deficitit

Biznesi është i përmbajtur në pritshmëritë e tij për vitin e ardhshëm 2025

Eksportet dhe importet drejt Evropës dhe vendeve jashtë BE-së po bien