Përpjekjet e Këshillit të Lartë Gjyqësor meritojnë vlerësim pozitiv nga Komisioni Evropian

botuar më 10-05-27 11.29.PD

Kryetarja e këshillit Anelija Mingova

Foto: BGNES

Këshilli i Lartë Gjyqësor hapi dy herë më shumë procedura disciplinare kundër magjistratëve në krahasim me këshillin e mëparshëm. Që nga fillimi i mandatit, muajin tetor të vitit 2007 deri tashti, këshilli i lartë gjyqësor shqyrtoi 127 procedura disciplinare, ndryshe nga ai i mëparshëm, i cili gjatë mandatit trevjeçar hapi 70 procedura. Në të njëjtën kohë këshilli i tanishëm pushoi nga puna 17 magjistratë për mos zbatimin e detyrimeve zyrtare ose për dëmtimin e prestigjit të pushtetit gjyqësor. Vetëm për krahasim këshilli i mëparshëm pushoi vetë, 10 magjistratë. Kjo është vetëm një pjesë prej evidencës së organit suprem të pushtetit gjyqësor në Bullgari për punën e kryer që nga hyrja në fuqi. Ndër punët më të rëndësishme është programi për administrimin e proceseve në gjykatat. Kryetarja e këshillit Anelija Mingova theksoi, se analiza e punës së tërësishme të këshillit ka për qëllim të vlerësohet reforma e deritanishme gjyqësore dhe roli i organit suprem gjyqësor në kontekstin e strategjisë së re për reforma të mëtejshme dhe për rikthimin e besimit të bullgarëve ndaj sistemit gjyqësor. Ky raport ka lidhje të drejtpërdrejtë edhe me misionin e ardhshëm të Komisionit Evropian në vendin tonë gjatë muajit qershor të këtij viti. Ai ka të bëjë me hartimin e raportit vjetor për përparimin e Bullgarisë në fushën e drejtësisë dhe punëve të brendshme, që realizohet në kuadrin e mekanizmit për bashkëpunim dhe kontrollim. Tashmë Këshilli i Lartë Gjyqësor plotësojë pyetësorin special, hartuar posaçërisht nga Komisioni Evropian. Lidhur me këtë zonja Mingova thekson:

“Përgjigjet më japin arsye të konkludoj, se përpjekjet e institucioneve të lidhura me pushtetin gjyqësor do të vlerësohen pozitivisht. Ajo që mungon në sistem është bashkëveprimi institucional, gjë që patjetër duhet të përmirësohet. Kjo gjithashtu ndikon mbi besimin e shoqërisë ndaj sistemit gjyqësor. Rikthimi i besimit të njerëzve do të jetë një proces i ngadaltë, i gjatë dhe i ndërlikuar. Atë që bëmë deri tashti është vetëm hapi i parë. Dhe të gjitha institucionet e sistemit gjyqësor duhet të punojnë me konsekuencë dhe këmbëngulje për arritjen e këtij qëllimi.”

Përgatiti në shqip: Svetllana Dimitrova

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Përpjekjet e Këshillit të Lartë Gjyqësor meritojnë vlerësim pozitiv nga Komisioni Evropian

Më shumë nga rubrika

Programi arsimor "Tregimet e pathëna të bullgarëve" me mbështetje të madhe brenda dhe jashtë vendit

Për herë të parë që nga viti 1985, në vendin tonë ka një rënie pothuajse zero të popullsisë

Grafitet në Bllagoevgrad kujtojnë historinë tonë 20-vjeçare në NATO

Elegjia për Krahinat Perëndimore tingëllon si një requiem

A do të çojë në një sulm bërthamor vendimi i SHBA-ve për të lejuar Ukrainën të godasë objektiva brenda Rusisë me armë të tyre?