Bullgaria po përjeton verën më të nxehtë

botuar më 10-08-12 11.39.PD

Foto: BGNES

Siç ka nisur, viti 2010 mund të dalë viti me temperaturat më të larta mesatare vjetore në botë që prej 130 vjetëve e këtej, pohojnë meteorologët. Bullgaria krejtësisht përfshihet në këtë pamje. Ditët e nxehta filluan shumë herët dhe po zgjasin mjaft gjatë. Temperatura e ujit të detit arriti 30 gradë, kurse pritet që gjatë këtyre ditëve të arrijë deri më 36 gradë - diçka e paparë nëpër këto gjerësi. Vjeshta parashikohet të jetë e afërt me normën. Por dhjetori do të jetë përsëri i ngrohtë dhe i thatë jo si zakonisht. Po ripohohet tendenca drejt një ngrohjeje në etapa të klimës tek ne, ripohon Veselin Aleksandrov nga Instituti kombëtar i hidrologjisë dhe i meteorologjisë.

“Gjatë 12 vjetëve të fundit tendenca tek ne është drejt një rritjeje të përhershme të temperaturës së ajrit, shton ai. Pritet që viti 2010 të jetë një nga vitet më të ngrohta për 130 vjetët e fundit në një përpjesëtim global, regjional dhe kombëtar.”

Dhe në Bullgari janë në dukje karakteristika tipike për ngrohjen globale - një rritje e ngadaltë të temperaturave mesatare vjetore, të shoqëruar me dukuri ekstreme si thatësira të mëdha, shira të stuhishme dhe përmbytje. “Kjo tendencë filloi të vihet re akoma nga fundi i viteve 70 të shekullit të kaluar, pohon Valeri Spiridonov, zëvendësdrejtor i Institutit kombëtar i hidrologjisë dhe i meteorologjisë.

“Dimrat bëhen më të butë, thotë ai, që nuk do të thotë se nga koha në kohë nuk ka dhe shumë dimra me dëborë. Por bile dhe këto dimra janë me temperatura pak mbi normat për periudhën e mëparshme 30 vjeçare. Gjatë vitit 2009 temperatura mesatare ishte me 1,2 gradë mbi normën. Njëkohësisht vihet re një shtim i fort i shpejtësisë të dukurive ekstreme meteorologjike. Me fjalë të tjera gjithnjë e më shpesh kemi si temperatura të larta ekstreme, ashtu dhe shira tepër të bollshme dhe përmbytje. Gjithnjë e më shpesh për 1 ditë derdhet e gjithë reshja normale për muajin e dhënë. Muaji korrik që kaloi për shembull qe rekord me reshjet e shënuara 3 herë mbi normë. Po pakësohet ndryshimi midis temperaturave minimale dhe maksimale, që tregon qartë se po ecim drejt ngrohjes. Por dhe shtresa e dëborës po kështu ka tendencë të ulet.”

Sipas modeleve simulative për matjen e klimës të Rrjetit global meteorologjik të OKB-së deri në vitin 2050, temperaturat mesatare vjetore tek ne do të shtohen me 2 gradë. kurse deri në vitin 2100 - me 3 deri më 3,5 gradë. Vera mbase do të zgjasë me 1 muaj. Kjo do të shoqërohet me një thatësirë të konsiderueshme. Pritet që reshjet të pakësohen me rreth 30%, kurse përkatësisht dhe resurset e ujit, ku kjo do të ndihet më fortë në Bullgarinë Juglindore.

Më e prekshme nga ndryshimet klimatike do të dalë bujqësia dhe më në veçanti kulturat pranverore, paralajmërojnë shkencëtarët. Dhe këshillojnë rivendosjen e bujqësisë me ujitje me preferencë drejt ujitjes me pika. Ngrohja do të lejojë rritjen e dy rendimenteve tek ne, por nuk do të arrihet deri në rritjen e bananeve dhe të portokallieve, bën shaka zoti Veselin Aleksandrov. Bujqësorët do të duhet të riorientohen drejt hibrideve të kulturave bujqësore tradicionale për Bullgarinë me rezistence më të madhe ndaj thatësirës dhe dëmtuesve.

“Ndryshimet klimatike shfrytëzohen për çdo lloje spekulimesh dhe asgjë e çuditshme që të interesuarit të thonë se, rrugëdalja e vetme do të jenë kulturat të modifikuara gjenetikisht - paralajmëron docenti Spiridonov. Por sipas meje kjo nuk duhet të lejohet.”

Përgatiti në shqip: Nataniela Vasileva

По публикацията работи: Maria Dimitrova

Последвайте ни и в Google News Showcase, за да научите най-важното от деня!

Ndaje

Bullgaria po përjeton verën më të nxehtë

Më shumë nga rubrika

Bullgarët në Berlin shënojnë festën e Shën Antonit të Madh me solemnitet të veçantë

Janë duke u përgatitur standardet për cilësinë dhe vlerësimin e arsimit në kopshte dhe grupet e çerdheve

Shkencëtarët е Akademisë Bullgare të Shkencave mbështetën unitetin e Kishës Ortodokse Bullgare - Patrikanës Bullgare

Radioja Kombëtare Bullgare feston përvjetorin e saj të 90-të me aktivitete të ndryshme