Bullgaria është duke zhvilluar një politikë të kufizimit të varfërisë

botuar më 10-11-25 1.06.MD

Nën kufirin e varfërisë jetojnë 1 milion e 200 mijë bullgarë prej popullsisë prej 7,5 milionësh veta të vendit.

Foto: Millka Dimitrova

Po përfundon viti, i cili u shpall nga Evropa si vit i luftimit të varfërisë dhe izolimit social. Përballimi i këtij fenomeni është politikë shtetërore edhe në Bullgari. Dimensionet e varfërisë janë të ndryshme. Ajo mund të jetë lidhur me të ardhura të pamjaftueshme, me mjete të pamjaftueshme për ushqim, rroba, banesë, por varfëria mund të jetë lidhur dhe me mungesën e aksesit në shëndetësi, arsim dhe kulturë. Qëllimi i përbashkët i Evropës është që deri në vitin 2020 numri i evropianëve të varfër të ulet me 20 për qind.

Shumë shqetësuese janë dimensionet e varfërisë në Bullgari. Nën kufirin e varfërisë, e cila për vit të dytë me radhë është rreth 211 leva (rreth 106 euro), jetojnë 1 milion e 200 mijë bullgarë prej popullsisë prej 7,5 milionësh veta të vendit. Për kufizimin e dukurisë dhe përkrahjen e njerëzve dhe familjeve të rrezikuara qeveria kërkon vendime dhe nëpërmjet përdorimit të mundësive financiare të programeve dhe fondeve evropiane. Pa dyshim mënyra më e mirë e përballimit të varfërisë është sigurimi i punësimit nëpërmjet rritjes së ekonomisë. Zgjidhja e pjesshme e këtij problemi fshihet edhe në politikën adekuate të ndihmës sociale ndaj bullgarëve të varfër. Sipas ministrit social Totju Mlladenov Bullgaria i ka vërë vetes qëllimi serioz që deri në vitin 2020 të zvogëlojë numrin e bullgarëve të varfër me 260 mijë veta. Prandaj përpjekjet e politikës shtetërore do të jenë përqendruar kryesisht mbi të papunët, njerëzit e moshuar, punonjësit e varfër, njerëzit me çrregullime. Qëllimi është krijimi i mundësive për një jetë aktive, sepse ndihma sociale nuk është mundësia e vetme për përballimin e varfërisë. Me ndryshimet legjislative këtë vit në Bullgari tashmë nuk ka kufizim të afatit, brenda të cilit një njeri mund të japë ndihmë sociale. Disa ndryshime në ligjin për njerëzit me çrregullime aplikuan një përkrahje të re financiare për ta nga viti tjetër. 135 trapezari në tërë vendin sigurojnë ushqim të ngrohtë gjatë vjeshtës dhe dimrit për më të varfrit në shoqëri. Një problem serioz është varfëria ndër fëmijët. Prandaj mendohet edhe për përkrahjen e fëmijëve të familjeve të varfra, nëpërmjet mundësive financiare të programit evropian “Zhvillim i resurseve njerëzore”. Ministri Totju Mlladenov shtoi:

“Në lidhje me nevojën për një përkrahje të specializuar ndaj fëmijëve të prekur dhe familjet e tyre startuam një projekt me përmasë 40 milionë euro në ndihmë të bashkive në ofrimin e shërbimeve për zhvillimin e fëmijëve dhe për familjet më të varfra, përfshi këtu dhe fëmijët me çrregullime. Do të financohen veprimtari të lidhura me përfshirjen e fëmijëve të varfra në sistemin arsimor dhe me përkrahjen e prindërve. Këtë vit filluam dhe një projekt për sigurimin e mjedisit familjar për fëmijët me çrregullime nga jetimoret. Këto institucione do të mbyllen vetëm pas sigurimit të një mjedisi të përshtatshëm për vetë fëmijët. Mjetet e parashikuara për këtë qëllim janë 28 milionë leva (rreth 14 milionë euro). Siguruam 2, 8 milionë leva (rreth 1,4 milionë euro) deri në fund të stinës dimërore në fillim të vitit tjetër për vazhdimin e programit për trapezari për të varfrit në tërë vendin.”

Sipas fjalëve të ministrit Mlladenov sigurimi i punësimit nëpërmjet programeve për trajnim, kualifikim dhe rikualifikim është një prej elementeve më të rëndësishme në luftimin e varfërisë dhe izolimit social. Prandaj, nënvizoi ai, do të punohet për motivimin e kërkimit aktiv të punës ndër të papunët dhe për inkurajimin e iniciativave sipërmarrëse.

Përgatiti në shqip: Vesella Mançeva

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

Bullgaria është duke zhvilluar një politikë të kufizimit të varfërisë

Më shumë nga rubrika

Optimizëm, por edhe mosbesim - këndvështrimi evropian i ngjarjeve në Siri

Kafshët në Kopshtin Zoologjik të Burgasit marrin dhurata nga Plaku i Krishtlindjeve

Përrallat e Krishtlindjeve prej qelqi apo si ringjallet një traditë e harruar

“Krishtlindjet bullgare” mblodhi 2.9 milionë leva (pothuajse 1.5 milionë euro) për fëmijët në nevojë për trajtim

Për të pestin vit radhazi nxënësit e Gorës dhe Gollobordës shënojnë “Festat e fundvitit në mënyrë bullgare"