Kristalina Georgieva: “Solidariteti është vlera më e madhe, të cilën ne, evropianët, e mbajmë në zemrat tona”

botuar më 10-12-02 1.08.MD

Foto: Diana Çepisheva

Për herë të dytë me radhë njohjen “Komisioneri evropian i vitit” e mori një bullgare. Sivjet emri i saj është Kristalina Georgieva dhe ajo përgjigjet për bashkëpunimin ndërkombëtar, ndihmën humanitare dhe reagimin në raste krizash. Ajo mori edhe një njohje tjetër – “Evropiani i vitit”. Këto njohje jepen çdo vit që nga viti 2001 nga lexuesit e gazetës për politikë evropiane “European Voice”.

Për anëtarësinë e vet tri vjeçare në BE Bullgaria tashmë ka dy komisionere evropiane, puna e të cilave ishte cilësuar aq lartë nga lexuesit e kësaj gazete dhe kjo mund të thuhet se është rekord. Në vitin 2008 ish komisionerja për mbrojtjen e konsumatorëve Meglena Kuneva u bë Eurokomisionerja e vitit. Kjo tregon se potenciali njerëzor i shtetit tonë është i madh dhe se kemi dhënë një kontribut të konsiderueshëm për zgjidhjen e problemeve të përbashkëta evropiane.

Kristalina Georgieva është vetëm një nga gratë, të cilat kohët e fundit zunë poste të larta në organizata të ndryshme ndërkombëtare. Këtu duhet përmendur emrin e zonjës Irina Bokova, e cila u bë gruaja e parë që u bë drejtore e UNESKO-s. Jo në vend të fundit mund të përmendim emrin e presidentes së Brazilisë Dillma Rusev, e cila është bija e një emigranti bullgar.

Nominimi për komisionere evropiane të Kristalina Georgievës ishte motivuar nga autoriteti dhe dituritë, të cilat ajo shfaqi në kohën e kazave pas tërmetit në Haiti dhe përmbytjeve në Pakistan. Dhe në të vërtetë ajo e zuri këtë post në një vit shumë të vështirë, plot me ngjarje dramatike në tërë botën, kur solidariteti dhe ndërhyrja urgjente ishin me rëndësi të madhe.

Pas dorëzimit të çmimit eurokomisionerja bullgare dha një intervistë për Radion Kombëtare Bullgare: “I falënderoj shumë qytetarët evropianë për këtë se e vlerësojnë dhe e mbështetin veprimtarinë humanitare në kushte të krizës. Tetë nga çdo dhjetë evropianë e përkrahin veprimtarinë e punonjësve humanitarë. Edhe atyre duhet t’u shprehim falënderime për këtë që e bëjnë për njerëzit të cilët kanë nevojë për ndihmë. Evropa e bashkuar është ndërtuar mbi një tragjedi të madhe – rikujtoi zonja Georgieva. – Luftërat janë ato, të cilat na detyruan të bashkohemi dhe solidariteti është vlera më e madhe, të cilën ne, evropianët e mbajmë në zemrat tona. Këtë se ne mund t’i ofrojmë mbështetje njerëzit në botë, të cilët kanë nevojë për ndihme, tregon se Evropa është e fortë. Tani, kur ka shumë shqetësime të lidhura me ekonominë evropiane, ky çmim tregon se evropianët jemi të bashkuar dhe se vlerat tona janë të fuqishme.”

Sipas redaktorit të gazetës “European Voice” votimi për zonjën Georgieva ka treguar se BE-ja mbetet një lojtar global, posaçërisht duke folur për ndihmë humanitare dhe veprime në situata krizash.

Përgatiti në shqip: Jordanka Ivanova

По публикацията работи: Maria Dimitrova

Последвайте ни и в Google News Showcase, за да научите най-важното от деня!

Ndaje

Kristalina Georgieva: “Solidariteti është vlera më e madhe, të cilën ne, evropianët, e mbajmë në zemrat tona”

Më shumë nga rubrika

Banorët e qytetit Çernomorec "kyçin" detin

Sofja tashmë disponon sheshin më të madh të patinazhit në Ballkan

Çfarë parashikon buxheti i BE-së për vitin 2025

U inaugurua oborri i shkollës në fshatin Borje i rinovuar me mbështetjen e Bullgarisë

Stefka Kostadinova përfaqëson vendin tonë në një ekspozitë në Bruksel

Në nivel personal, 60% e bullgarëve janë të kënaqur me vitin 2024, optimistë për vitin 2025 janë 47%