Njohje e shumëpritur për pafajshmërinë e infermiereve bullgare në Libi

botuar më 11-02-24 12.43.MD

Foto: arkiv

Në kulmin e trazirave në Libi një nëpunës i lartë i Xhamahirisë shpalli se infermieret bullgare të akuzuara për infektimin me paramendim të më se 400 fëmijëve libianë me virusin e SIDA-së janë të pafajshme. Ish ministri libian i drejtësisë Mustafa Mohamed Abdelxhalil shpalli në një intervistë për kanalin satelit “Al Xhazira” se regjimi i Kadafit është i fajshëm për infektimin e fëmijëve në Bengazi. Abdelxhalili e përmendi rastin si shembull për një nga krimet e kryera nga regjimi kundër popullit libian.

Pas 8 vjetëve burgim dhe torturave të shumta 5 infermieret bullgare dhe një mjek palestinez, të cilët ishin dënuar për vdekje, në vitin 2007 u liruan pas negociatave të vështira midis BE-së dhe Muamar Kadafit. Pjesa finale e bisedimeve u zhvillua nga presidenti francez Nikolla Sarkozi. Gjatë bisedimeve Bullgaria ishte detyruar t’i falë Libisë një borxh të vjetër prej 130 mln dollarë. Më vonë, në Francë, u bë e qartë se për lirimin e infermiereve një rol të madh luajti ftesa e Muamar Kadaifit në Francë. Vizita e kreut të Xhamahirisë në Paris një vit më vonë shkaktoi një valë zemërimi në shoqërinë franceze.

Bullgaria ishte e kënaqur sepse pas negociatave të shumta në fund të fundit ishin shpëtuar 6 jetë të qytetarëve bullgarë. Snezhana Dimitrova, Valja Çervenjashka, Kristijana Vëlçeva, Valentina Siropulo, Nasja Nenova dhe Ashraf Haxhuxh më në fund u liruan. Por në zemrat e të gjithëve mbeti një dhembje e madhe – pafajshmëria e tyre kurrë nuk ishte pranuar nga Gjyqi Libian. Për shkak të propagandës libiane për shumicën e njerëzve në botën arabe ata mbetën vrasësit e shumë fëmijëve. Mjeku palestinez kërkoi drejtësi në Gjyqin e Parisit dhe në atë të Hagës, infermieret bullgare – në Gjyqin e Sofjes. Sipas tyre fajtori i vërtetë është Muamar Kadafi. Për shkaqe objektive këto çështje deri tani kishin vetëm karakter simbolik. Por pas fjalëve të ish ministrit libian të drejtësisë çështjet gjyqësore në të vërtetë mund të zhvillohen dhe më në fund e vërteta do të dalë në sheh. Infermieret bullgare dhe mjeku palestinez, të torturuar në mënyrë karakteristike për Mesjetën, që i mbajnë akuzën më të rëndë – për vrasjen e fëmijëve, e kanë të drejtën e këtij dëmshpërblimi moral.

Përgatiti në shqip: Jordanka Ivanova

По публикацията работи: Maria Dimitrova

Последвайте ни и в Google News Showcase, за да научите най-важното от деня!

Ndaje

Njohje e shumëpritur për pafajshmërinë e infermiereve bullgare në Libi

Më shumë nga rubrika

Në Ditën e të Vdekurve para festës së Shën Kryeengjëllit Mihaill, përkujtojmë të ndjerët dhe japim lëmoshë

Radio Bullgaria hyri në klasa

Për përulësinë ndaj iluministëve dhe dimensionin bashkëkohor të iluminizmit

Protesta para Teatrit Popullor “Ivan Vazov” u kthye në trazira para premierës së pjesës “Armët dhe njeriu”

Një ekspeditë polare bullgare eksploroi Kontinentin e Akullit për herë të 33-të

Java e Librit Ortodoks mbahet në qytetin Varna