Fëmijë bullgarë marrin pjesë në krijimin e vizatimit më të madh në botë

botuar më 11-03-31 12.09.MD

Foto: Evgeni Dimitrov

Në vitin 2012 në kuadrin e Lojërave olimpike në Londër do të ekspozohet vizatimi më i madh në botë. 45 fëmijë bullgarë nga kopshti i fëmijëve pranë Kompleksit kombëtar për studimin e gjuhës italiane dhe Art Atelieja “Bota përrallore” përpunuan vizatime me sipërfaqe të përbashkët 20 metra katrore, të cilat do të bëhen pjesë e projektit “Vizatimi më i madh i fëmijëve në botë”. Projekti organizohet nga organizata japoneze Earth Identity Project. Partner nga ana bullgare është fondacioni “Madara-Bullgaria”, i zgjedhur nga ambasada e Bullgarisë në Japoni për shkak të veprimtarisë së vet aktive në “Vendin e diellit që lind”.

Historia e projektit fillon në Bangladesh në vitin 1996 me vizatimin e 13 mijë fëmijëve. Pastaj nisma të tilla u zhvilluan në Tajlandë, Kinë, Nepal, Nagasaki dhe në pjesë të tjera të Japonisë. Me ndihmën e 163 ambasadave në Japoni dhe të 47 prefekturave japoneze organizatorët shpresojnë se do të marrin vizatime nga pika të ndryshme të botës dhe do t’i ekspozojnë në Lojërat olimpike në Londër.

Kryetarja e fondacionit “Madara-Bullgaria” Stefanija Dimitrova

“Japonezët kanë një qëndrim të posaçëm ndaj fëmijëve. Vogëlushët me siguri duhet të jenë të këndshëm dhe të lumtur në periudhën e arsimit të tyre fillestar. – tha Stefanija Dimitrova – kryetare e fondacionit “Madara-Bullgaria.” – Për këtë arsye kushti i projektit është që të marrin pjesë fëmijë në moshë midis 4 dhe 6 vjeç. Qëllimi nuk është që vizatimi të jetë i përsosur. E rëndësishmja është kënaqësia, të cilën do ta sjellë vizatimi. Bota e fëmijëve ndryshohet shumë nga bota e të rriturve, sepse mungojnë rregullat e sakta: të mirë – të keq, të drejtë – të gabuar. Në vizatimet e tyre do të shikojmë se shtëpia është e plotë me lule, se dielli dhe rejat janë të buzëqeshur. Kuajt, lulet, insektet kanë tipare njerëzore. Për këtë arsye më kujtohen fjalët e laureatit për çmimin Nobel Rabindranat Tagor, se kriteri i vetëm për të vërtetën është lumturia. Fëmijët krijojnë një botë të vet, e cila është bota e lumturisë dhe bukurisë dhe e ndiej fort se kjo është bota e vërtetë – e plotë me vitalitet dhe miqësi.”

Vizatimet bullgare janë dy – njëra e vizatuar në kopshtin e fëmijëve, tjetra – në Art Atelienë. Ato ishin krijuar në vazhdim të disa muajve, atëherë kur fëmijët kishin kohë të lirë dhe vullnet për të vizatuar. Pavarësisht nga kjo se fondacioni “Madara-Bullgaria” dërgoi ndihmë humanitare për Kryqin e Kuq Japonez pas krizës së shkaktuar nga tërmeti dhe cunami, vogëlushët gjithashtu mblodhën mjete financiare dhe ato do të dërgohen për blerjen e ujit për fëmijët nga Tokioja dhe rajoni Ibaraki. Organizatorët shqetësohen sepse në një nga vendet, ku pastrohet uji i Tokios ishte regjistruar radioaktivitet shumë të lartë.

Përgatiti në shqip: Jordanka Ivanova

По публикацията работи: Iliana Rajçeva

Последвайте ни и в Google News Showcase, за да научите най-важното от деня!

Ndaje

Fëmijë bullgarë marrin pjesë në krijimin e vizatimit më të madh në botë

Më shumë nga rubrika

Qendrat e kthimit të emigrantëve - një zgjidhje e qëndrueshme ose një model i dënuar pan-evropian për trajtimin e migracionit të paligjshëm

Gjermania, Britania e Madhe dhe Holanda janë destinacionet e preferuara për emigracion nga bullgarët

Kundëradmirali Marcelo Tarapov: Bullgaria dhe Argjentina po zhvillojnë një aktivitet të frytshëm të përbashkët në Antarktidë

Protesta para Teatrit Popullor “Ivan Vazov” u kthye në trazira para premierës së pjesës “Armët dhe njeriu”

Një ekspeditë polare bullgare eksploroi Kontinentin e Akullit për herë të 33-të

Java e Librit Ortodoks mbahet në qytetin Varna