Ju prezantojmë muzikantin Ljubomir Denev

botuar më 11-06-21 10.41.PD

AUDIO

Update Required To play the media you will need to either update your browser to a recent version or update your Flash plugin.

Instrumentist, dirigjent dhe kompozitor, Ljubomir Denev tashmë 25 vjet merr pjesë në një mënyrë shumë aktive në jetën kulturore bullgare. Ai ka mbaruar arsimin e tij muzikor në kryeqytet dhe nga viti 1986 është interpretues dhe autor i veprave për fëmijë. Ljubomir Denev kompozon në gjini të ndryshme – xhaz, muzikë dhome dhe muzikë korale. Më 8 qershor në skenën e Shkollës Muzikore Kombëtare “Ljubomir Pipkov” në Sofje ai ftoi shumë miq. Koncerti u zhvillua në kuadrin e festivalit “Javë muzikore të Sofjes.” Ja se çfarë tha muzikanti pas ngjarjes:

“Shkasi qe jubileu im i ardhshëm 60 vjeçar – më 12 shtator. Organizatorët e edicionit të 42-të të festivalit “Javë muzikore të Sofjes” më propozuan për të paraqitur vepra të mia të gjinive të ndryshme muzikore. Kështu e quajta dhe koncertin “Një koncert prej shumë gjinish i Ljubomir Denevit dhe miqve të tij”. Në koncert morën pjesë miq dhe kolegë, të cilët kanë në repertorin e tyre vepra të mia. Pianisti Rostisllav Jovçev e hapi koncertin me një “Himn të diellit”. Më vonë u paraqitën Milla Georgieva, muzikantët e xhazit Venci Bllagoev dhe Ivan Ivanov, ansambli i ri vokal “Oktavojs”. Koncerti më 8 qershor përfshiu stile më të ndryshme dhe muzika u pranua shumë mirë nga publiku. Bashkë me kuartetin “Frosh” interpretuam veprën time të fundit “Transfigurim për një kuartet harqesh”.

Sipas Ljubomir Denevit udhëtimi përmes gjinive të ndryshme e pasuron krijuesin dhe krijon mundësi për një zhvillim të pandërprerë. Pyetjes për bilancin e tij me rastin e jubileut 60 vjeçar ai iu përgjigj kështu:
“Gjatë disa viteve të fundit i kushtova një vëmendje më të madhe gjinisë së dhomës dhe gjinisë simfonike. Kjo që akoma nuk kam realizuar është përgatitja skenike e operës sime “Kain”. Ajo është në gjuhën angleze. Desha ta vënë në skenën e operës. Kjo është një vepër, e cila sipas meje është me një autoritet shumë të madh.”

Po të doni të dëgjoni veprat “Transfigurim për një kuartet harqesh” dhe “Improvizim xhazi” të Ljubomir Denevit klikoni mbi ikonën AUDIO!

Përgatiti në shqip: Vesella Mançeva

По публикацията работи: Sibilla Lillova

Последвайте ни и в Google News Showcase, за да научите най-важното от деня!

Ndaje

Ju prezantojmë muzikantin Ljubomir Denev

Më shumë nga rubrika

"Ngjitës për mjekrën" - kënga për Krishtlindje që këndohet edhe gjatë verës

Një Vatër e re e Kulturës në kryeqytet do të mbajë emrin e muzikantit Kirill Mariçkov

Mesazhet e këngëve me famë botërore të Krishtlindjeve tingëllojnë edhe në gjuhën bullgare

B.T.R. me koncertet e para në Tokio dhe Honolulu

"Përsëri me ty"