Një transfer i ri për sistemin energjetik bullgar nga Fondi Ndërkombëtar “Kozloduj”

botuar më 11-06-30 12.04.MD

Foto: arkiv

Fondi Ndërkombëtar “Kozloduj” lëshoi 73,8 milionë euro për modernizimin e energjetikës bullgare dhe nxjerrjen nga eksploatimi të fuqive të vjetra bërthamore. Kjo u bë nëpërmjet nënshkrimit të tri marrëveshjeve midis Ministrisë së Ekonomisë, Energjetikës dhe Turizmit të Bullgarisë dhe Bankës Evropiane për Rimëkëmbje dhe Zhvillim.

Çfarë përbën Fondi Ndërkombëtar “Kozloduj”?

Ky fond u themelua për të mbledhur mjetet e lëshuara nga KE-ja si kompensim për mbylljen para afatit të katër reaktorëve të vegjël prej 440 megavatesh secili të centralit atomik “Kozloduj”. Kjo ishte një pjesë e kushteve që të bëhet Bullgaria anëtare e BE-së. Reaktorët bërthamorë u mbyllën gjatë vitit 2002 dhe 2006. Gjysma e parave në fond harxhohen për nxjerrjen nga eksploatimi të reaktorëve. Gjysma tjetër përdoret për rritjen e efektivitetit energjetik dhe ndërtimin e burimeve të ripërtëritshme të energjisë. Mjetet e fondit “Kozloduj” administrohen nga Banka Evropiane për Rimëkëmbje dhe Zhvillim.

37,8 milionë euro do të përdoren për ndërtimin e linjave të reja të përçimit të rrymës elektrike.

Për çfarë do të përdoren këto 73,8 milionë euro?

37,8 milionë euro do të përdoren për ndërtimin e linjave të reja të përçimit të rrymës elektrike dhe “rezultati kryesor do të jetë pakësimi i humbjeve nëpër rrjetin elektrik dhe rritja e sigurimit të furnizimeve të energjisë elektrike”, komentoi ministri i ekonomisë Trajço Trajkov. Kompania e ngrohjes qendrore e kryeqytetit do të marrë 1,8 milionë euro për ndërrim të instalimeve në kopshtet e fëmijëve dhe ndërtesave publike. “Kështu do të kursejmë afro 2500 megavate në vit”, tha ministri Trajço Trajkov, duke saktësuar për çfarë veprimtari parashikohen mjetet e tjera:
“34 milionë euro do të harxhohen për programe të lidhura me nxjerrjen nga eksploatimi të blloqeve 1, 2, 3 e 4 të centralit atomik “Kozloduj”. Me këto mjete nga njëra anë do të punësohen 715 veta, nga ana tjetër puna e tyre do të përdoret për nxjerrjen nga eksploatimi në vend se të kërkohen shërbimet e firmave të jashtme. Këtu efekti është i dyanshëm. Këto janë mjete për ristrukturim, rehabilitim dhe modernizim të energjetikës bullgare. Deri tani mjetet, për të cilat kemi marrëveshje me Fondin Ndërkombëtar “Kozloduj”, janë 575 milionë euro.”

Në emër të Bankës Evropiane për Rimëkëmbje dhe Zhvillim marrëveshjet u nënshkruan nga Vins Novak, drejtor i departamentit “Parrezikshmëria bërthamore” të bankës.
“Banka Evropiane për Rimëkëmbje dhe Zhvillim është shumë e kënaqur nga bashkëpunimi me Ministrinë e Ekonomisë, Energjetikës dhe Turizmit të Bullgarisë për zbatimin e këtij programi, qëllimet e të cilit janë përmirësimi i energjetikës dhe i efektivitetit energjetik dhe nxjerrja nga eksploatimi e fuqive bërthamore – theksoi përfaqësuesi i bankës. – Mendoj se rezultatet e përpjekjeve tona do të kontribuojnë dhe për marrjen e mjeteve suplementare nga fondet evropiane, veçanërisht nga buxheti evropian pas vitit 2013.”

Për çfarë bëhet fjalë?

KE i lëshoi Fondit Ndërkombëtar “Kozloduj” si kompensime për mbylljen para afatit të reaktorëve të vegjël 500 milionë euro deri në vitin 2007, kur Bullgaria u bë anëtare e BE-së, dhe 300 milionë euro që duhet të harxhohen deri në fund të vitit 2013. Pastaj Bullgaria duhet vetë të akumulojë mjete për të vazhduar veprimtaritë për të nxjerrë reaktorët nga eksploatimi gjatë një periudhe mjaft të gjatë. Pritet që mbyllja e katër reaktorëve të kushtojë rreth 1,1 miliard euro. Mjetet, për të cilat është arritur marrëveshje, nuk do të mjaftojnë, prandaj Ministria e Ekonomisë, Energjetikës dhe Turizmit kërkoi nga BE-ja të lëshojë akoma 450 milionë euro, të cilat të përdoren pas vitit 2013.

Përgatiti në shqip: Ekaterina Tarpomanova

По публикацията работи: Tanja Harizanova

Последвайте ни и в Google News Showcase, за да научите най-важното от деня!

Ndaje

Një transfer i ri për sistemin energjetik bullgar nga Fondi Ndërkombëtar “Kozloduj”

Më shumë nga rubrika

Bankat janë gati për euron, politikanët duhet të veprojnë, thotë guvernatori i Bankës Kombëtare Bullgare

Biznesi dëshiron stabilitet politik me një qeveri dhe parlament funksional

Paga mesatare vjetore bruto për vitin 2023 në Bullgari është 24 485 leva (12 519 euro)

TASS: Nuk bëhet fjalë për ndalimin e tranzitit të gazit rus përmes Bullgarisë