Xhaz muzikantët në skenën bullgare gjatë vitit 2011

botuar më 11-12-21 9.29.PD

Xhaki Rajan dhe Lari Vukoviç Trio në skenën e Festivalit të xhazit në Bansko

Foto: arkiv

AUDIO

Update Required To play the media you will need to either update your browser to a recent version or update your Flash plugin.

Viti 2011 ishte plot ngjarje muzikore të stilit xhaz. Në saje të organizatorëve të “Xhaz plus” adhuruesit e muzikës xhaz patën mundësinë të kënaqen me xhazin evropian.

Në periudhën 15 mars – 6 prill muzikantët nga Gjermania, Britania e Madhe, Polonia, Hungaria, Spanja dhe Brazili demonstruan improvizime të reja. Festa e shtatë tradicionale e stilit xhaz e vuri theksin mbi formacionet e vogla – duetet, triot dhe kuartetet. Aktiviteti u hap më 15 mars nga Antonio Farçone, i cili krahasohet në Itali me Xhimi Hendriks. Në improvizimet e tij melodike dhe shumë shpesh melankolike janë gërshetuar elemente latino afrikane. Një ditë më vonë, më 16 mars u përfshi perkusionisti brazilian Adriano Adeuale. Festivali vazhdoi me koncertin e duos Ferenc Shnetberger dhe Markus Shtohauzen nga Gjermania. Muzika e tyre mund të përshkruhet si një gërshetim modern prej motivesh elektronike, xhaz dhe etno. Nga Polonia u paraqitën Lars Danielson dhe Leshek Mozhdzher. Skena e festivalit u mbush me shumë muzikë. Në koncertin e fundit të programit të sivjetshëm më 6 prill “Hidden Orchestra” paraqiti albumin e tyre debut “Nights Walks”

J.P.3 dhe Kamelia Todorova në skenën e Festivalit “Xhaz panorama 2011”

Një muaj më vonë si pjesë e Festave të Kulturës të Majit në Bllagoevgrad u zhvillua edicioni i parë i festivalit “Xhaz panorama 2011”. Festivali u zhvillua me iniciativë të trumbetarit Vencisllav Bllagoev, i cili grumbulloi në një skenë disa prej xhazmenëve më të mirë bullgarë. Miqtë e posaçëm – trumbetarët Randi Brekër nga SHBA-të dhe Stefan Belmondo nga Franca demonstruan një profesionalizëm të madh gjatë improvizimeve.

Xhazeks bend (Ukraina)

Pas pranverës vera gjithashtu i gëzoi fansat e muzikës xhaz. Nga 8 deri në 14 gusht në Bansko u zhvillua festivali i 14-të ndërkombëtar në Bansko. Edhe sivjet emra interesantë tërhoqën vëmendjen e pushuesve dhe të adhuruesve të muzikës xhaz. Organizatorët u përpoqën të kënaqin shijet më të ndryshme muzikore. Projekte big-bend, etno, pop dhe xhaz u dëgjuan në skenën në të hapur në sheshin në Bansko. “Ballkanski Kone” (“Kuaj ballkanikë”), Xhazeks bend (Ukraina), Xhaki Rajan dhe Lari Vukoviç Trio (SHBA), Kamelia Todorova – këta ishin disa prej muzikantëve të cilët shkaktuan duartrokitje më të mëdha. Këtë vit përshtypje më të madhe bënë Joni Vidal (Spanjë, Belgjikë) dhe Mëngo Xheri Blus Bend (Britania e Madhe).

Pat Matini

Gjatë vjeshtës gjithashtu u zhvilluan ngjarje kushtuar muzikës xhaz. Gjatë muajit tetor Pat Matini bëri një përshtypje të jashtëzakonshme me interpretimet e tij. Ai mori pjesë në kuadrin e festivalit “Music Jam”, festival ky i cili u bë simbol i klasës dhe prestigjit artistik.

Po të doni të dëgjoni interpretime të disa prej muzikantëve të lartpërmendur klikoni mbi ikonën AUDIO! Ju urojmë minuta të këndshme!

Përgatiti në shqip: Vesella Mançeva

По публикацията работи: Allbena Bezovska

Последвайте ни и в Google News Showcase, за да научите най-важното от деня!

Ndaje

Xhaz muzikantët në skenën bullgare gjatë vitit 2011

Më shumë nga rubrika

B.T.R. me koncertet e para në Tokio dhe Honolulu

"Përsëri me ty"

Anabel prezanton këngën e saj debutuese "Një dozë realiteti"

B.T.R. me koncertet e para në Tokio dhe Honolulu

"Përsëri me ty"