Një monument i Levskit do të ndërtohet rreth qytetit Svilengrad

botuar më 12-04-10 10.36.PD

Apostulli bullgar i lirisë Vasil Levski kishte një ëndërr – Bullgaria të jetë një republikë në të cilën të gjithë të kenë të drejta të barabarta, pavarësisht nga përkatësia e tyre etnike. Për këtë ëndërr ai vdiq gjatë shkurtit të vitit 1873, pesë vjet përpara Çlirimit të vendit nga sundimi pesëshekullor osman. Brezat mirënjohëse nderojnë kujtesën e heroit tonë më të dashur kombëtar. Kurse përpara 2 vjetëve shoqata “Unë e dua Bullgarinë” lindi idenë për një kompleks memorial dhe monument të Apostullit, i cili të ngrihet lart dhe t’u rikujtojë jo vetëm bullgarëve, por dhe të gjithë popujve fqinjë, se liria është e shenjtë.

“Vëllazëri me secilin, pa parë besën dhe kombësinë”, këtë e shkruan Apostulli në letrën drejtuar bashkëmendimtarit të tij Ljuben Karavellov, i cili la në letërsi pamjet e paharruara të bullgarëve rilindësë. Evropa e bashkuar u mbështet pikërisht mbi këtë parim, të reklamuar me largpamësi dikur nga Vasil Levski. Ideja e shoqatës “Unë e dua Bullgarinë” është që rreth qytetit Svilengrad, aty ku ndërpriten kufijtë e Bullgarisë, Turqisë dhe Greqisë, të ndërtohet monumenti i Apostullit. Vetë figura e Levskit të jetë me një lartësi prej 101 metra, e vendosur mbi një fondament 32 metrash. Apostulli do të mbajë flamur, në bishtin e të cilit do të ketë ashensor dhe me ta vizituesit do të mund të ngjiten në një shesh të posaçëm. Që aty pamja e tyre do të arrijë larg,larg... Kompleksi përfshin po kështu dhe një sallë ekspozimi dhe zona për pushim. Toka për kompleksin memoria tanimë është dhuruar nga Bashkia e Svilengradit. Bashkia ka fituar projektin në kuadrin e Programit për zhvillimin e regjioneve fshatare, kështu me financimin e rajonet rreth monumentit, i cili është rreth 25 hektarë, do të mbillet dhe do të jetë gjithmonë i gjelbër.

“Shikoni, jetojmë në 3 kufij dhe për ne në këtë moment është e rëndësishme ideja, ose siç thanë dhe krijuesit nga shoqata – me rëndësi është rruga, nëpër të cilën do të ecet, jo qëllimi – tregon kryetari i Bashkisë Gjeorgji Manollov. – Ne e shikojmë si një farë aktiviteti me një qëllim të pastër turistik ose se për qytetin Svilengrad do të shkruhet, se mbetet në histori me monumentin më të lartë e kështu me radhë. Këtu në këtë rast bëhet fjalë për idenë. Sepse aty, ku mblidhen kufijtë, ku jetojnë 3 popuj me histori të ndryshme, ku ka fe të ndryshme, në përgjithësi një vend udhëkryq, ku kush nuk ka kaluar dhe mbrojtur idetë e veta, ideja më e rëndësishme për veçimin e njerëzve do të shprehet përmes këtij kompleksi memorial në territorin e bashkisë sonë.”

Kompleksi do të ndërtohet rreth rrugës kryesore E80, e cila nga Bullgaria kalon në Turqi. Mbi projektin punon një ekip në krye me Ljudmill Oksanoviçin, një inxhinier ndërtimi dhe pedagog në Institutin për ndërtim dhe arkitekturë. Figura e Vasil Levskit do të jetë vepër e skulptorit Ilija Ivanov. Llogaritjet paraprake tregojnë se, mjetet e domosdoshme janë afro 6 milionë euro. Parashikohet që ndërtimi të fillojë me afro 38 mijë euro mjete personale të shoqatës “Unë e dua Bullgarinë”. Financimi tjetër grumbullohet me dhurime nga të gjithë, për të cilët ideja për një monument të tillë është e shtrenjtë. Pritet që ndërtimi i kompleksit të përfundoi deri në vitin 2017, kur mbushen 180 vjet nga lindja e Apostullit. Sipas Gjeorgji Manollovit, vendi i kompleksit është zgjedhur pikërisht rreth qytetit Svilengrad, sepse banuesit e qytetit: “si njerëz, të cilët jetojnë në 3 kufi, janë shumë më të hapur drejt njerëzve me ide të ndryshme, me fe të ndryshme, me një mentalitet të ndryshëm. Sepse ata kështu ose ndryshe kalojnë përmes qytetit tonë. Ne mbase jemi me privilegjin se, njerëzit të cilët e kanë idenë për monumentin, janë kthyer drejt nesh dhe se ne kemi qenë të denjë ta përkrahim.”

Përgatiti në shqip: Nataniela Vasileva
Fotografi: “Unë e dua Bullgarinë”

По публикацията работи: Millka Dimitrova

Последвайте ни и в Google News Showcase, за да научите най-важното от деня!

Ndaje

Një monument i Levskit do të ndërtohet rreth qytetit Svilengrad

Më shumë nga rubrika

Një shishe që përshkruan mitin e përbindëshit Himara u zbulua në një nekropol romak të shekullit të II-të

Nderojmë Ditën e Kryeengjëjve - ditën e të gjitha hierarkive engjëllore

Manastiri i Bakaxhikut ruan relikte të çmuara nga Çlirimi i Bullgarisë

Nderojmë Ditën e Kryeengjëjve - ditën e të gjitha hierarkive engjëllore

Një shishe që përshkruan mitin e përbindëshit Himara u zbulua në një nekropol romak të shekullit të II-të