Fillon “Mindja Rock Fest”

botuar më 12-08-23 11.53.PD

Grupi “Magistri”

Foto: mindyarocks.wordpress.com

“Nesër fillon nga sot”, në interpretim të Grupit “Diana ekspres”

Update Required To play the media you will need to either update your browser to a recent version or update your Flash plugin.

“Verë”, në interpretim të Grupit “Magistri”

Update Required To play the media you will need to either update your browser to a recent version or update your Flash plugin.

Më 24 dhe 25 gusht fshati Mindja (afër Veliko Tërnovos, Bullgari Veriore) do të takojë përsëri muzikantë të stilit rok dhe blus. Organizatorët janë fondacioni “Mindja Rock Fest” dhe themeluesi i tij politologu prof. Evgenij Dajnov. Ngjarja muzikore do të mbahet në sheshin e fshatit.

“Fshati Mindja është mikpritës për herë të katërt i një festivali të tillë rock. Programi i sivjetshëm përfshin pjesëmarrjen e 12 grupeve – nja 6 në mbrëmje – tregon Evgenij Dajnov. – Më 24 gusht hedleaner-i i mbrëmjes do të jetë “Diana ekspres”, kurse më 25 gush – Vasko Krëpkata dhe Poduene Blus Bend. Presim që të mbërrijnë shumë njerëz me fëmijët e tyre, me motorë dhe me çadra dhe të argëtohemi së bashku.”

Evgenij Dajnov në skenë

Ideja për zhvillimin e kësaj ngjarjeje muzikore në fshatin Mindja është e një familjeje angleze, e cila banon atje. Ata i ofruan Evgenij Dajnovit, i cili gjithashtu ka shtëpi në fshatin Mindja, për të ftuar muzikantë bullgarë dhe grumbulluan për këtë qëllim 2000 leva (rreth 1000 euro). Kështu vitin e parë (2009) aktiviteti muzikor u zhvillua në kuadrin e një dite dhe u paraqitën gjithsej 3 grupe. Çdo vit numri i tyre po rritet. Vitin e kaluar erdhën papritmas fansa të muzikës rock dhe blus me motorë dhe automobila retro. Sivjet do të zhvillohet një turne shahu dhe një ekspozitë me piktura me temë ekologjike. Aktiviteti është falas.

“Mindja Rock Fest” do të hapet më 24 gusht në mbrëmje me një program koncerti, paraqitur nga kori i vatrës së kulturës në fshat. Pas tyre në skenë do të dalin muzikantët, që të gëzojnë adhuruesit e stilit rock dhe blus. Zakonisht në fund të ditës së dyte Vasko Krëpkata fton kitaristë të ndryshëm, të cilët kanë dëshirë të dalin në skenë dhe t’i bien kitarës. Shpresojmë se kjo do të ndodhë edhe këtë vit.

Ja akoma hollësi nga organizatori Evgenij Dajnov për pjesëmarrësit në edicionin e sivjetshëm të “Mindja Rock Fest”: “Grupi “Magistri” është grupi im. Marrim pjesë në aktivitetin në fjalë që nga vetë fillimi. Interpretojmë kompozime autori. Një pjesë e madhe prej tyre janë vepra ime. Aktualisht jemi duke përgatitur albumin tonë të dytë. Ne jemi veteranë në këtë fest dhe kemi statusin e një grupi vendas, megjithëse të gjithë jemi nga Sofja. Si çdo vit, edhe tani do të ketë emra të rinj në skenën e fshatit. Një prej tyre është “Tortila Flet” – një grup heavy metal. Nga formacionet më të vjetra sivjet do të marrin pjesë “Blus Trafik”, “Siluetë”, “Monoli”, si dhe disa grupe na Gorna Orjahovica dhe Veliko Tërnovo.”

Deri tani në festivalin në fshatin Mindja kanë marrë pjesë vetëm grupe bullgare, por Evgenij Dajnov ka ambicien që në edicionin e pestë vitin tjetër të ftojë të paktën një grup i huaj.

Përgatiti në shqip: Vesella Mançeva

По публикацията работи: Sibilla Lillova

Последвайте ни и в Google News Showcase, за да научите най-важното от деня!

Ndaje

Fillon “Mindja Rock Fest”

Më shumë nga rubrika

"Perëndo, perëndo, o diell i ndritshëm" – një nga këngët e përjetshme të Bullgarisë

Fillon edicioni i vjeshtës i Plovdiv Jazz Fest

Varna dhe Sliven zhyten "në botën e muzikës" me maestro Vesko Panteleev- Eschkenazy

Këngët e Kiçka Savovës mbledhin të rinj të talentuar në një master klasë në Plovdiv