Zhvillimi i kulturës ekologjike ndër nxënësit

botuar më 12-11-26 1.17.MD

Nxënës shënojnë Ditën Botërore të Ujit duke grumbulluar mesazhet e bashkënxënësve të tyre mbi lule prej letra.

Foto: arkiv

Zhvillimi i kulturës ekologjike ndër nxënësit dhe prindërit e tyre – ky është prioriteti kryesor i Ministrisë së Arsimit, Rinisë dhe Shkencës. Për këtë qëllim në programet e reja mësimore, të cilat do të hyjnë në fuqi me miratimin e ligjit të ri për arsimin shkollor dhe parashkollor, janë parashikuar tema të posaçme ekologjike. Përveç kësaj nxënësit, të cilët tregojnë interes më të madh ndaj kësaj fushe shkencore, tashmë kanë mundësi të vizitojnë kurse të ndryshme jashtë programit të detyrueshëm mësimor. Aktualisht pesëmbëdhjetë gjimnaze profesionale dhe një shkollë e arsimimit të përgjithshëm janë duke përgatitur nxënës në specialitetin “Ekologjia dhe ruajtja e mjedisit”, kurse pesë gjimnaze profesionale ofrojnë arsimim në specialitetin “Agroekologji”.

“Kemi shumë iniciativa në kuadrin e fushatës “Marr pjesë dhe ndryshoj” dhe të tilla, të cilat financohen nga projekti “SUKSES” – iniciativa, të cilat përfshijnë jo vetëm nxënësit, por motivojnë dhe prindërit dhe në përgjithësi shoqërinë – tha për Radio Bullgarinë zëvendësministrja Damjanova. – Puna vetëm me fëmijët nuk është e mjaftueshme, sepse pas kësaj ata dalin në rrugë dhe janë dëshmitarë të një qëndrimi krejt të ndryshëm. Prandaj qëllimi ynë është motivimi i tërë shoqërisë. Në përgjigje të kësaj këtë vit startuam një projekt në kuadrin e programit kombëtar “Kualifikimi” dhe pikërisht “Inovacionet në administrimin e shkollës”. U zhvillua gjithashtu dhe një konkurs dhe shtatë prej regjioneve të vendit kanë paraqitur një projekt në lidhje me ruajtjen e mjedisit. Qëllimi i këtyre projekteve është përfshirja e sa më shumë shkollave, prindërve, institucioneve, të cilat punojnë në regjion dhe mendoj se arritëm rezultate të mira. Kjo do të vazhdojë edhe mot. Mënyra tjetër, nëpërmjet së cilës përpiqemi të arrijmë qëllimin tonë është nëpërmjet programeve të reja shkollore. Edhe në ato të tanishme është parashikuar marrja e diturive të tilla, por ligji i ri ofron të ashtuquajturat “kompetenca”. Korniza referente evropiane ofron tetë kompetenca kyçe, kurse ne kemi parashikuar nëntë kompetenca në përgjigje të prioriteteve tona kombëtare. Kompetenca e nëntë është pikërisht përkrahja ndaj zhvillimit të qëndrueshëm dhe mënyrës së shëndetshme të jetesës. Kjo kompetencë kyçe është zhvilluar në programet e reja arsimore me ndihmën e temave të reja, të cilat kanë për qëllim ruajtjen e pastërtisë së ajrit dhe të ujërave. Ajo është integruar në lëndët e ndryshme mësimore, por ligji i ri krijon mundësinë që ajo të ekzistojë edhe si lëndë e veçantë mësimore – “Ruajtja e mjedisit”. Përveç kësaj shkollat do të mund të përpilojnë programe të veta arsimore. Kemi shumë shkolla me tradita në këtë fushë. Kemi përkrahjen e universiteteve, të cilat përgatitin mësuesit e ardhshëm, si dhe përkrahjen e Ministrisë së Mjedisit dhe Ujërave.”

“Partneriteti për një shkollë të pastër” është projekti, nëpërmjet të cilit Inspektorati regjional i arsimit në qytetin Pernik angazhon shoqërinë me zhvillimin e kulturës ekologjike ndër fëmijët dhe adoleshentët. Për këtë qëllim në shkollat pranë bashkisë janë krijuar qendra të posaçme ekologjike. Mbi 8000 nxënës u përfshinë në pastrimin e parkut të qytetit, të oborreve të shkollave, të krahinave turistike rreth Pernikut. Përveç kësaj fëmijët përgatitin harta të territoreve të mbrojtura në Bullgari, si dhe tablo dhe broshura informative. Në kalendarin e tyre ekologjik është përfshirë gjithashtu shënimi i ditëve botërore të lidhura me ruajtjen e natyrës, siç për shembull është Dita e ujit, Dita e pyllit etj.

“Në shkollë u mësuam se çfarë përbën mbledhja e ndarë e mbeturinave. Mendoj se kjo është një premisë e mirë për formimin e kulturës ekologjike në shoqëri – tha Polina Fetfova, eksperte në RIO-Pernik. – Bashkë me pastrimin morëm vendim të mbjellim bimësi të reja. Kjo është një iniciativë ndërshkollore, në të cilën u përfshinë shumë pylltari, Bashkia e Pernikut, administrata e qytetit, shumë organizata joqeveritare, të cilat ndihmuan në organizimin e iniciativës.”

Përgatiti në shqip: Vesella Mançeva

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

Zhvillimi i kulturës ekologjike ndër nxënësit

Më shumë nga rubrika

Bullgaria është e para në BE që realizoi inteligjencën artificiale të nivelit të lartë në gjuhën e saj

Ekipi i ri i Ursula von der Leyen: a do të arrihet një "marrëveshje paketë" për të miratuar të gjithë komisionerët e BE-së

Rajonet ku jetojnë bullgarë në Shqipëri është e nevojshme të kenë autonomi administrative

Nxënës bullgarë janë të parët në një konkurs evropian të së drejtës ndërkombëtare

Dita e Antarktidës shënohet në Universitetin e Sofjes “Shën Kliment Ohridski”