Më datat 5 dhe 6 shkurt me ftesë të homologes së saj bullgare, zonja Cecka Caçeva, Kryetarja e Kuvendit, zonja Jozefina Topalli bëri një vizitë zyrtare në Sofje.
Gjatë takimit me homologen e saj bullgare, zonja Topalli i falënderoi kryetares Caçeva për mbështetjen që Bullgaria ka dhënë ndaj Shqipërisë në proceset e saj integruese në NATO, por edhe për përpjekjet për aderim në Bashkimin Evropian. Nga ana e saj, zonja Caçeva konfirmoi se Bullgaria do të vazhdojë ta përkrahë Shqipërinë në rrugën e saj drejt BE-së dhe është e gatshme të japë eksperiencën e saj në këtë drejtim. Ajo theksoi se “Progres-Raporti i fundit i BE-së për Shqipërinë fliste për progresin real të vendit tuaj”, dhe shtoi: “Në çdo takim me faktorë të rëndësishëm të politikës së BE-së kam lobuar për zgjerimin e BE-së me vendet e Ballkanit Perëndimor.”
Tema tjetër e takimit ishte bashkëpunimi konkret për të përfituar projekte madhore infrastrukturore përmes fondeve të BE-së. Theksi u vu mbi realizimin e Korridorit të 8 si një rrjet rajonal infrastrukturor që do të nxiste një epokë të re të zhvillimit për gjithë Ballkanin.
Infrastruktura ishte tema kyçe edhe gjatë takimit të kryetares Jozefina Topalli me kryeministrin bullgar, z. Bojko Borisov. Ai e njohu kryetaren Topallin me punën në kuadër të programeve evropiane dhe me absorbimin e parave evropiane. Kryeministri bullgar dha si shembull përfundimin e metros në kryeqytet, ndërtimin e autostradës “Lylin” dhe projektin e urës së dytë mbi lumin e Danubit që urë është pothuajse gati.
Gjatë ditës së dytë të vizitës kryeparlamentarja Topalli u prit nga presidenti Rosen Plevneliev. Përfundimi i procesit të integrimit evropian dhe euroatlantik do të jetë arritje jo vetëm për vendet e Ballkanit Perëndimor, por do të sigurojë edhe stabilitet në Evropë. Kjo është pozita rreth së cilës u bashkuan presidenti Plevneliev, dhe kryetarja Topalli. Kreu i shtetit theksoi se Bullgaria e përkrah Shqipërinë në reformat të cilat do të mundësojnë marrjen e statutit të vendit kandidat për anëtarësim në BE.
Ekspedita e tridhjetë e tretë polare bullgare po shkon drejt Antarktidës për të vazhduar kërkimet e saj shkencore në bashkëpunim me shkencëtarë nga vende të ndryshme. Në bordin e anijes kërkimore “Shën Kirill dhe Metodij” ndodhen për herë të parë..
Ambasada e Francës dhe Instituti Francez i Kulturës mblodhën së bashku shkencëtarët për të prezantuar eksperiencën e tyre mbi sfidat shkencore në Antarktidë dhe luftën kundër ndryshimeve klimatike. Partnerë të aktivitetit ishin Instituti Polar Francez..
Organizata për mbrojtjen e natyrës WWF - Bullgaria nis fushatën "Abonohu për natyrën". Zhdukja e kafshëve të egra është një film me seri në të cilin ne luajmë rolin kryesor. Në më pak se një jetë njerëzore, 73% e vertebrorëve kanë humbur në natyrë...
Gjatë javës së Ditës së Ariut , WWF tërheq vëmendjen mbi gjashtë arinj jetimë të cilëve iu dha një shans i dytë për jetë. Nisma është pjesë e fushatës..
Banorët e qytetit Pleven të Bullgarisë Veriore do të përcjellin vitin 2024 me një Qytezë Krishtlindjesh dhe takime me Plakun e Krishtlindjeve. Programi..
Modernizimi i aftësive të të menduarit kritik, verifikimi i fakteve dhe shkrim-leximi mediatik janë thelbësore për shoqërinë, veçanërisht për të rinjtë..
Vranësira të dendura
Reshje
Reshje intensive
Vranësira
Dëborë 
Reshje shiu/dëbore
Vranësira