Dirigjenti Boris Spasov mbushi 60 vjeç

botuar më 13-04-16 9.33.PD

AUDIO

Update Required To play the media you will need to either update your browser to a recent version or update your Flash plugin.

Dirigjenti Boris Spasov ka lindur më 13 prill 1953. Ai është një muzikant me karrierë të pasur krijuese, i cili ia ka kushtuar jetën artit operistik. Është dirigjent dhe pedagog.

“Menjëherë pasi mbarova arsimin tim të lartë në Konservatorin Shtetëror Bullgar (aktualisht Akademinë Muzikore Shtetërore), fillova punë në Filarmoninë e Ruses – tregon dirigjenti Boris Spasov. – Atje isha dirigjent në vazhdim të tetë viteve, në periudhën 1980-1988. Ndërkaq u nisa për në Moskë për të specializuar në degën e operës në Balshoj Teatër te dirigjenti i madh rus Mark Ermler. Spektakli i parë, në të cilin isha i pranishëm atje, e kishte emrin “Fejesa në manastir” të Sergej Prokofievit, me dirigjent Genadij Rozhdestvenski. Isha shumë i impresionuar jo vetëm nga teatri, por nga tërë shfaqja. Nuk mund të besoja se gjendesha në një vend kaq të bukur. Që nga atëherë është dashuria ime e madhe ndaj klasikes ruse.”

Repertori i dirigjentit Boris Spasov përfshin krijimtarinë e kompozitorëve nga epoka të ndryshme. Përveç operës, ai punon edhe në gjini të thera: “Më pëlqen shumë edhe muzika simfonike, edhe muzika e dhomës – vazhdon Boris Spasov. – Nuk kam menduar kurrë se do të incizoj muzikë filmash, por kjo është fakt. Më pëlqen të jem edhe dirigjent, edhe producent muzikor. Për mua kjo është një sfidë dhe kënaqësi e madhe.”

Në vitin 2005 Boris Spasov mori një çmim për kontributin e tij në përhapjen dhe interpretimin e veprave të njohura ruse nga komiteti “Muza e artë” pranë Ambasadës ruse në Sofje. Një vit më vonë, më 2006-ën, Boris Spasov mori çmimin më të lartë muzikor bullgar – “Lira a artë”. Shkasi ishte 30 vjet veprimtari krijuese, si dhe vënia në skenë e operës “Flauti magjik” (atëherë u shënua përvjetori i 250-të i lindjes së Mocartit).

Boris Spasov shpjegon pasionin e tij të madh ndaj krijimtarisë së Shubertit: “Kisha guximin të përfundoja një prej veprave të tij të papërfunduara – Simfonia No 7, krijuar në vitin 1821. Unë e harmonizova dhe orkestrova dhe kjo më kushtoi shumë punë, atëherë isha 25 vjeç. Një shekull më vonë, kur isha në moshën 50 vjeç, përsëri e përpunova veprën. Bëra një orkestrim të ri dhe e incizuam operën në Radion Kombëtare Bullgare. Simfonia u interpretua në Festivalin e Varnës dhe publiku e pëlqeu shumë.”

Përgatiti në shqip: Vesella Mançeva

По публикацията работи: Sibilla Lillova

Последвайте ни и в Google News Showcase, за да научите най-важното от деня!

Ndaje

Dirigjenti Boris Spasov mbushi 60 vjeç

Më shumë nga rubrika

Mesazhet e këngëve me famë botërore të Krishtlindjeve tingëllojnë edhe në gjuhën bullgare

"Mrekullia e Krishtlindjes" - një këngë tjetër kushtuar Krishtlindjeve

“Të pëlqej”... një dhuratë feste nga Bellosllava

Muzikanti Dimitër Atanasov: Le t’u bëjmë një bilanc veprave të mira që kemi bërë për të tjerët