Opera e Plovdivit është një prej teatrove kryesorë bullgarë. Këtë stinë ajo shënoi 60 përvjetorin e saj. Opera gjeti vend në jetën kulturore të Plovdivit që pas Çlirimit. Në atë kohë mësuesi Dimo Bojçev krijoi një formë specifike të interpretimit të veprave skenike muzikore dhe kështu Plovdivi dispononte interpretues të përgatitur dhe një publik të formuar që në fillim të shekullit të XX-të. Ndoshta ky është dhe shkaku që të ketë më shumë prova për krijimin e Teatrit Muzikor– gjithsej 9, por të gjitha grupet artistike ekzistonin jo më shumë se 1-2 stinë.
Shkaku për ndalimin e funksionimit të tyre ishte mungesa e mjeteve financiare. Që gjatë vitit 1953, gjashtë vjet pas formimit të Orkestrës Simfonike Shtetërore në qytet, më 20 mars, doli urdhra për krijimin e Teatrit shtetëror të operës në Plovdiv. U zhvillua një konkurs për solistë, këngëtarë dhe orkestrantë. Për udhëheqës të formacionit u zgjodhën tenori i madh bullgar dhe regjisor Petër Rajçev dhe biri i tij – dirigjenti Rusllan Rajçev. Më 15 nëntor ishte vënë pjesa e parë e operës së porsaformuar “Nusja e shitur” e Smetanës, paraqitur nga interpretues shumë të rinj, kryesisht bashkëstudentë nga Akademia Muzikore. Ndër ta ishin Valentina Aleksandrova, basi i paharrueshëm Alekesej Millkovski, si dhe Nikolla Smoçevski – më vonë bariton kryesor i Operës së Sofjes. Këta janë emrat e këngëtarëve, të cilët vunë themelet e teatrit të ri.
Që për spektaklin e parë vallet i përgatiti balerina dhe pedagogia ruse Ana Vorobjova. Ajo është krijuesja e grupit të baletit të operës. Dirigjenti i korit është Krëstjo Marev, i cili ishte kryedirigjent dhe udhëheqës i teatrit për një kohë të gjatë. Opera e Plovdivit filloi së funksionuari me një entuziazëm të madh dhe me shumë punë. Në Fondin e Artë të Radios Kombëtare Bullgare është ruajtur incizimi i spektaklit të saj të parë.
Gjatë viteve të para pas krijimit të Operës së Plovdivit u formuan kriteret estetike të grupit operistik. Në skenat e saj u paraqitën vepra të reja bullgare, sidomos të Parashkev Haxhievit, si dhe spektakle interesante të operave më pak të njohura te ne. Grupi operistik paraqiti dhe një sërë operash dhe operetash të reja të kompozitorëve sovjetikë. Në skenën e Operës së Plovdivit gjatë viteve 60 të shekullit të kaluar u paraqitën dhe disa komedi muzikore, ndër të cilat “Lejdi ime e mrekullueshme” e Frederik Lou etj. Pjesa e parë e baletit ishte vendosur në vitin 1957 – kjo ishte “Zana e Kukullave” e Josef Bajerit.
Iva Hölzl-Nikolova është një interpretuese me një individualitet të veçantë dhe një repertor të pasur. Ajo përkufizohet nga kritikët si "një muzikante jashtëzakonisht e talentuar dhe inteligjente me interpretimin e saj të termit "vjenez". E lindur në..
Dara Ekimova prezanton "C'est La Vie" - një tjetër këngë nga albumi i saj debutues "Kjo dhomë". Këngëtarja e ka kompozuar këngën së bashku me Kristian Kostov , producentin muzikor Dexter dhe Venci Venc. Sipas autorëve, “C'est La Vie” ka të..
Një nga krijuesit bullgarë më të spikatur, më të talentuar dhe më aktivë me emrin Georgi është dirigjenti, kompozitori dhe gajdexhiu virtuoz Georgi Andreev. Që nga viti 2000 ai është dirigjenti kryesor i orkestrës pranë Ansamblit Kombëtar..
Pjesërisht me re
Mot i kthjellët
Vranësira të dendura