“Folklori nga dje dhe sot” – këngë nga Rodopet në interpretim të Tanja Skeçelievës

botuar më 13-05-31 9.31.PD

Foto: arkiv personal

AUDIO

Update Required To play the media you will need to either update your browser to a recent version or update your Flash plugin.

Tanja Skeçelieva është shpallur fëmijë-çudi. Ajo është nëpër skenat e tubimeve folklorike që nga mosha 5 vjeçe. Sot është në moshën 32 vjeçe dhe këndon në Ansamblin “Filip Kutev”, ka një zë të mrekullueshëm.

Tanja Skeçelieva ka lindur më 24 gusht të vitit 1980 në qytetin Zllatograd në malin Rodope. E ka trashëguar talentin muzikor nga prindërit e saj. Shtatë vitet e para i kaloi në shtëpi, por shumë shpejt fati i saj i një fëmije-çudi e bëri fëmijërinë e vajzës së talentuar shumë të vështirë. Fëmija e vogël u nda nga nëna dhe lojërat me moshatarët dhe mori rrugën e vështirë muzikore, u radhitën vite të vetmuara në shkollën për fëmijë të talentuar në rajonin e kryeqytetit Gorna Banja. Në vitin 1989 ajo këndoi para Nansi Rejgënit në një turne me fëmijë të talentuar në SHBA. Në moshën 13 vjeçe u kthye në Rodope. Mbaroi shkollën muzikore në Shiroka Llëka, pastaj edhe Akademinë Muzikore në Plovdiv.

Një konkurs për një shou të njohur televizive e solli përsëri në Sofje. E fitoi, por nuk mbeti shumë në këtë detyrë dhe gjatë vitit 2007 tashmë është në radhët e Ansamblit “Filip Kutev”. Atje filloi një faqe e re në jetën e saj. Gëzohet se ka mësuar më shumë për specifikën e këndimit koral, për folklorin e tërë Bullgarisë. “Pesë vjet jam në ansambël – thotë Tanja. – Ai është i një niveli shumë të lartë. Repertori ynë përfshin këngë të vështira, të cilët i interpretojmë në shumë koncerte dhe turne. Kam shumë shoqe të reja dhe ndihem e lumtur, sepse kënga është jeta ime”. SHBA-ja, Koreja, Zvicra, Suedia, Franca, Gjermania, shtetet fqinje ballkanike – këto janë disa prej vendeve ku ka udhëtuar kënga popullore bullgare. Në biografinë krijuese të Tanjës është i pranishëm Çmimi i parë në konkursin “Me këngët e Radka Kushlevës” në Shiroka Llëka. Në vitin 2008 qyteti Zllatograd e bëri këngëtaren qytetare nderi. Përveç se është koriste, Tanja Skeçelieva interpreton dhe këngë solo në Ansamblin “Filip Kutev”. Në vitin 2009 Radioja Kombëtare Bullgare e ftoi për të incizuar këngë me orkestrën popullore.

Aktualisht këngëtarja e re Tanja Skeçelieva është duke u përgatitur për premierën e koncertit me rastin e 110 vjetorit të lindjes së Filip Kutevit, themeluesi i ansamblit, i cili do të mbahet më 13 qershor në Pallatin Kombëtar të Kulturës. Tanja grumbullon dhe incizon këngë për albumin e saj të parë më vete. Le t’i urojmë sukses.

Përgatiti në shqip: Vesella Mançeva

По публикацията работи: Valja Bozhillova

Последвайте ни и в Google News Showcase, за да научите най-важното от деня!

Ndaje

“Folklori nga dje dhe sot” – këngë nga Rodopet në interpretim të Tanja Skeçelievës

Më shumë nga rubrika

“Më zgjo në maj” dhe Mary Boys Band

"Dua"

"I pathyer"

"Dua"

“Më zgjo në maj” dhe Mary Boys Band