Bullgaria qëndron fort prapa integrimit euroatlantik të Gjeorgjisë

botuar më 13-12-05 12.46.MD

Gjatë vizitës së saj para pak kohe në Sofje ministrja Maja Panxhikixe theksoi se Gjeorgjia ka nevojë nga partnerë si Bullgaria që të kalojë rrugën e vështirë drejt BE dhe NATO.

Foto: Foto:BGNES

Në takimin e ministrave të jashtëm të NATO-s në Bruksel ministri i jashtëm i Bullgarisë shprehu mbështetjen e fortë për integrimin euroatlantik të Gjeorgjisë. Prononcimi i tij nuk ishte befasi, por konfirmim i një pozite të mbështetjes, që shprehet në mënyrë të konsiderueshme prej shumë kohe dhe jo vetëm në kuadrin e NATO-s.

Në mbledhjen e komisionit NATO-Gjeorgji, që u zhvillua në mbledhjen e ministrave, ministër Vigenin përshëndeti angazhimin e qeverisë së Gjeorgjisë për integrim në NATO-n konsensusin e arritur parlamentar mbi çështjen e vendosmërisë të pozitës dhe të opozitës të punojnë së bashku për reformën në fushën e mbrojtjes. Një mesazh i tillë ai drejtoi edhe gjatë korrikut të këtij viti në kohën e vizitës në Gjeorgji. Vigenin deklaroi se Bullgaria mbështet siglimin e Marrëveshjes për asociim të Gjeorgjisë me BE, pjesë e së cilës edhe Marrëveshja për një zonë të thellë dhe të përgjithshme për tregti të lirë dhe do të insistojë që Bashkimi Evropian t’i japë vendit perspektivë akoma më të qartë. Siglimi u bë fakt vetëm disa ditë më vonë në takimin e majës “Partneritet lindor” në Vilnjus.

Mbështetjen për asociimin politik dhe integrim ekonomik të vendit në BE, Bullgaria e jep jo vetëm në kuadrin e NATO-s dhe të programit “Partneritet lindor” por edhe në kuadrin e të ashtuquajturit “Grup të ri të miqve të Gjeorgjisë” qysh nga viti 2008 e këtej. Ky grup ishte krijuar qysh para ngjarjeve që çuan në konflikt të armatosur midis Rusisë dhe Gjeorgjisë. Bashkëpunimi midis dy vendeve ishte aktualizuar qysh në vitin 2012 me një memorandum të posaçëm ndërqeveritar për bashkëpunim në fushën e integrimit evropian dhe euroatlantik.

Gjatë vizitës së saj para pak kohe në Sofje ministrja Maja Panxhikixe theksoi se Gjeorgjia ka nevojë nga partnerë si Bullgaria që të kalojë rrugën e vështirë drejt BE dhe NATO. BE dërgoi në Tbilisi ambasador të vet ish kryeministrin bullgar Filip Dimitrov. Mund të pritet që tani e më tutje bashkëpunimi i dyanshëm do të zhvillohet në drejtim të integrimit më të mirë të Gjeorgjisë në strukturat evropiane dhe euroatlantike. Përfshi edhe në kuadrin e Organizatës së Bashkëpunimit Ekonomik të Vendeve të Pellgut të Detit të Zi, kryesia e së cilës Bullgaria do të marrë në vitin 2014.

Përgatiti në shqip: Zoja Kostadinova

По публикацията работи: Stoimen Pavllov

Последвайте ни и в Google News Showcase, за да научите най-важното от деня!

Ndaje

Bullgaria qëndron fort prapa integrimit euroatlantik të Gjeorgjisë

Më shumë nga rubrika

Në Ohër u dhanë dënime të buta rrahësit e Hristijan Pendikov

Presidenti bisedoi me përfaqësues të komunitetit vietnamez në Bullgari

Presidenti: Evropa duhet të mbështesë përpjekjet e SHBA për një zgjidhje paqësore të konfliktit në Ukrainë

Në Ohër u dhanë dënime të buta rrahësit e Hristijan Pendikov