“Heronjtë e festës” përkrahin familjet në nevojë sociale

botuar më 13-12-06 12.37.MD

Foto: Архив

Nisma bamirëse “Heronjtë e festës” përkrah familjet në nevojë sociale, thotë koordinatori Radosllav Kavallxhiev. Sivjet në festën e Krishtlindjeve priten t’u shpërndahen ushqime 5000 familjeve të cilët kanë vështirësi sociale. Vullnetarët e kësaj nisme u quajtën heronj.

“Nëpërmjet rrjeteve sociale angazhuam biznesin bullgar për të kontribuuar në këtë nismë bamirëse – sqaron z. Kavallxhiev. – Familjet furnizohen direkt nga prodhuesit dhe në këtë mënyrë eliminohet shpërdorimi i parave. Ideja e nismës u përhap shumë shpejt falë kontributit të artistëve të njohur bullgarë. Ata personalisht e sjellin pakon e ushqimeve në shtëpi. Këngëtarja e muzikës pop Toni është mes heronjve më atraktivë të nismës. Ajo ia kushtoi fushatës bamirëse këngën e saj të re “Dashuri”. Çdo gjë ndodh me transparencë. Çdo vizitë tek familjet në nevojë sociale xhirohet me kamera dhe hidhet në rrjetet sociale. Dhuruesit kanë mundësinë të ndjekin drejtpërsëdrejti se si ambalazhohen pakot e ushqimeve dhe si ato shpërndahen në shtëpi. Pra, njerëzit shohin se ku shkojnë realisht paratë e tyre.”

Në nismë përfshihen po ashtu dhe njerëz të thjeshtë. Dërgohet mesazh në numër 17 777 me tekstin DMS GEROI. Mesazhi kushton 50 centë. De fakto vlera e tij është shumë më e madhe, sepse ia siguron familjes në nevojë sociale bukë apo një ushqim tjetër. Për këtë qëllim u hap një linjë telefonike ku familjet lajmërojnë për gjendjen e tyre sociale.

Problemet në nismën “Heronjtë e festës” nuk mungojnë.

“Në Bullgari ende nuk funksion ligji i cili i liron dhuruesit nga TVSH-ja – vë në dukje z. Kavallxhiev. – Është më e lehtë të hedhësh ushqime cilësore në plehra se sa t’i dhurosh ato. Ky ligj duhet ndryshuar. Ide tjetër e fushatës sonë është që të diskutohet vazhdimisht kjo çështje. Gjatë janarit pritet të organizohet konferenca ku të zgjidhet çështja e TVSH-së te dhuruesit.”

Përgatiti në shqip: Anna Kapitanova

По публикацията работи: Rumjana Cvetkova

Последвайте ни и в Google News Showcase, за да научите най-важното от деня!

Ndaje

“Heronjtë e festës” përkrahin familjet në nevojë sociale

Më shumë nga rubrika

Ministria e Mjedisit dhe e Ujërave: Digat janë në nivele kritikisht të ulëta, por nuk janë shkaku i mungesës së ujit

Ura drejt bullgarëve në Moldavi: Radioja Kombëtare Bullgare do të bashkëpunojë me Universitetin e Ruses në Taraklia

Ekzaminime mjekësore falas për bullgarët në Gollobordën e Shqipërisë

Ura drejt bullgarëve në Moldavi: Radioja Kombëtare Bullgare do të bashkëpunojë me Universitetin e Ruses në Taraklia

Ministria e Mjedisit dhe e Ujërave: Digat janë në nivele kritikisht të ulëta, por nuk janë shkaku i mungesës së ujit