Formacioni i muzikës së dhomës “Polifonia” mbushi 45 vjeç

botuar më 13-12-17 11.15.PD

Foto: arkiv personal

AUDIO

Update Required To play the media you will need to either update your browser to a recent version or update your Flash plugin.

Në vitin 2013 Formacioni i muzikës së dhomës “Polifonia” kremtoi përvjetorin e tij të 45. Me këtë rast në sallën “Bëllgaria” u zhvillua një koncert, kushtuar themeluesit të ansamblit – Ivelin Dimitrov. Dirigjenti, kompozitori dhe pedagogu i njohur tashmë nuk është ndër nesh, por emri dhe veprimtaria e tij mbahen mend. Publiku priti me brohoritje interpretimet e korit dhe të organistit të Filarmonisë së Sofjes, Velin Iliev.

Dirigjentja e formacionit Ludmila Gerova tregoi emocionet e saj në lidhje me koncertin: “Ky është një gëzim i madh për ne. Në fillim kishim pak shqetësime, se salla nuk do të mbushet, sepse është shumë e rëndësishme të ketë njerëz të cilëve t’u japësh artin tënd, kurse në sallën “Bëllgaria” ne kemi bërë hapat tanë të parë dhe jemi mësuar me suksesin. Edhe kësaj here koncerti u bë një festë e vërtetë për ne.” Dirigjentja e korit rikujton si ajo dhe koleget e saj u njohën me maestro Ivelin Dimitrov: “Një pjesë e madhe prej këngëtareve të “Polifonisë” përpara kësaj këndonim në Korin e fëmijëve “Bodra smjana” ku u takuam për herë të parë. Ne ishim fëmijë, kurse ai ishte mësuesi ynë i solfezhit. E mbaj mend si pedagog shumë i mirë. Përveç kësaj Ivelin Dimitrov ishte muzikant i shkëlqyer dhe në kohën e të gjitha kampeve që i kishim çdo vit ai organizonte rrethe, në të cilat na tregonte për historinë e muzikës artistike. Kështu nga ky rreth u formua përbërja e formacionit “Polifonia” dhe krejt e natyrshme e ftuam Ivelin Dimitrovin për dirigjent.”

Pyetjes, a është e vështirë për koristet e reja të mësohen me specifikën e punës në ansamblin e muzikës së dhomës “Polifonia” Ludmila Gerova iu përgjigj: “Për njerëzit muzikorë s’është e vështirë. Vetëm duhet të adaptohen në ansambël dhe të mësojnë repertorin, i cili është mjaft i ndërlikuar dhe me vitet është bërë dhe mjaft i gjerë. Por tek ne rrallë vijnë këngëtare të reja sepse nuk kemi shpallur konkurse. Atmosfera në ansambël është shumë frytdhënëse dhe miqësore.”

Arti i Formacionit të muzikës së dhomës “Polifonia” çmohet lartë në Itali, Gjermani, Turqi. 20 këngëtaret dhe dirigjentja e tyre kanë marrë pjesë në Festivalin e Flandrës në Belgjikë, në Ditët e Muzikës Korale në Pragë të Çekisë dhe në shumë forume të tjera ndërkombëtare.

“Jemi të gëzuar nga ftesa që na bënë organizatorët e Festivalit të muzikës së dhomës të Plovdivit. Ky festival kremton 50 vjetorin e tij – tregoi Ludmila Gerova. – Gjithashtu kemi dhe propozim nga një kompozitor, i cili është dhe prift –at Lashkov të interpretojmë Liturgjinë e tij të pestë. Do të prezantojmë liturgjinë në një koncert që do të mbahet në Kishën “Shën Sofia”.Soliste do të jetë Krasimira Stojanova, një këngëtare, e cila prej kohe bën një karrierë të suksesshme botërore.”

Përgatiti në shqip: Gyulka Ilieva

По публикацията работи: Monika Aleksandrova

Последвайте ни и в Google News Showcase, за да научите най-важното от деня!

Ndaje

Formacioni i muzikës së dhomës “Polifonia” mbushi 45 vjeç

Më shumë nga rubrika

Mesazhet e këngëve me famë botërore të Krishtlindjeve tingëllojnë edhe në gjuhën bullgare

"Mrekullia e Krishtlindjes" - një këngë tjetër kushtuar Krishtlindjeve

“Të pëlqej”... një dhuratë feste nga Bellosllava

Muzikanti Dimitër Atanasov: Le t’u bëjmë një bilanc veprave të mira që kemi bërë për të tjerët