Projekte evropiane për përballimin e krizës së refugjatëve

botuar më 13-12-30 12.12.MD

Evropa është shokuar nga mizoritë e kryera në Siri si dhe nga vuajtjet e miliona shtetasve të saj që ikin nga atdheu. Kriza në këtë vend preku edhe Bullgarinë. Gjatë vitit që po shkon përmes kufirit me Turqinë në Bullgaria erdhi një fluks i madh imigrantësh ilegalë. Krahas sirianëve, që kërkojnë strehim dhe status refugjati, nga situata u përfituan dhe shumë njerëz nga Afrika Veriore dhe Afganistani. Bullgaria tregoi përpjekje të mëdha për përballimin e problemit, mori ndihmë financiare dhe logjistike si anëtare e familjes së madhe evropiane. Është krejt normale një pjesë e madhe prej miliona sirianëve që kanë mbetur pa strehë dhe pa punë të kërkojnë azil në Evropë, e cila për ta është simbol i sigurisë dhe mirëqenies. Kurse ky është një problem, të cilit duhet t’i kërkohet zgjidhje.

“Ajo që do të jetë me rëndësi për ne është, qe në cakun e kryesisë greke të BE, që fillon më 1 janar të vitit 2014, të përpilohet një qëndrim më i përgjithshëm i BE-së ndaj emigracionit – komenton ministri bullgar i punëve të jashtme Kristian Vigenin. – Në situata të tilla kritike vihet re, se s’kemi mekanizma adekuate të mbështetjes, të cilët t’i përgjigjen sfidës që përbën emigracioni për BE. Ne do të marrim pjesë aktive në përpilimin e kësaj strategjie. Ideja është ajo të pranohet në qershor të vitit 2014, sepse problemi me emigracionin do të jetë në rendin e ditës shumë vite përpara. Duhet të punojmë aktivisht si një vend i veçantë, ashtu dhe si një pjesë e Bashkimit Evropian me ato shtete që janë burim potencial i emigracionit të tillë dhe me vendet transite. Sepse tani për tani ne vetëm luftojmë pasojat, ndërsa rrënjët e së keqes janë tjetërkund. Në rastin me refugjatët sirianë rrënjët janë në luftën civile në atdheun e tyre. Unë shpresoj qe viti i ardhshëm të na sjell lajme të mira. Pres gjithashtu Konferenca e ardhshme e paqes t’ia japë startin një procesi paqësor në Siri.”

Duke hyrë në Bullgari imigrantët ilegalë kalojnë përmes kufirit jugor. Qe të ridrejtohet fluksi i tyre te pikët kufitare doganore, ishte marrë vendim në kufirin me Turqinë, në rajonin e qytetit Elhovo, të ndërtohet një gardh disa kilometrash, kurse për lëvizjen më të shpejt të autoriteteve kufitare ishin rehabilituar nja njëqind kilometra rrugësh.

“Me Turqinë kemi kontakte shumë të afërta operative – vazhdon ministër Vigenin. – Në kohën e vizitës sime në Ankara, në fund të tetorit të këtij viti, me ministër Davutogllu u morëm vesh për disa gjëra në marrëdhëniet bilaterale, paralelisht me këtë punuan aktivisht dhe Ministritë e Punëve të Brendshme të të dy vendeve. Kemi për të nënshkruar dhe një marrëveshje për hapjen e një qendre trepalëshe të kontakteve midis Turqisë, Greqisë dhe Bullgarisë, që do të përmirësojë shumë koordinimin e veprimeve midis tre vendeve. Kemi marrëveshje dhe për mbikëqyrje të përbashkët të kufirit midis Turqisë dhe Bullgarisë. Në mesin e janarit të vitit 2014 në Sofje do të mbahet një mbledhje e komisionit të përzier qendror mbi çështjet kufitare midis dy vendeve. Tashmë vihet re dhe një përmirësim i veprimeve në kufirin. Në të njëjtën kohë u firmos dhe një marrëveshje e riatdhesimit të imigrantëve ilegalë midis Turqisë dhe Bashkimit Evropian, që është plotësisht në interes edhe të vendit tonë. Marrëveshja në fjalë nuk hyn në fuqi menjëherë, por ne do të insistojmë për ratifikimin e saj më të shpejt. Bile me prognozat më të këqija mund të presim pas 2-3 vjetëve ajo të hyjë në fuqi të plotë dhe atëherë si vendi i parë i BE në kufirin me Turqinë mund t’i përfitojmë përparësitë e saj.”

Përgatiti në shqip: Gyulka Ilieva

По публикацията работи: Iliana Rajçeva

Последвайте ни и в Google News Showcase, за да научите най-важното от деня!

Ndaje

Projekte evropiane për përballimin e krizës së refugjatëve

Më shumë nga rubrika

Bullgaria veriore është më e kërcënuar nga përmbytjet

Haskovo tërheq adhuruesit e betejave airsoft dhe përjetimeve emocionuese me rastin e festës së qytetit

Një festival ekologjik në Ellhovo prezanton ushqim të pastër nga fermat në rajon

"Rregullat e lojës" të energjisë së gjelbër në planin e BE-së të Mario Draghit

11 universitete nga 9 shtete marrin pjesë në Konferencën “Bullgaria Piktoreske. Dialogët ndërdisiplinorë në shtëpi”

"Për" ose "kundër" celularëve - një çështje e hapur në shkollën bullgare