GERB do të parashtrojë mocionin e tretë të mosbesimit kundër kabinetit “Oresharski”, vë në dukje gazeta “Trud”. Kjo është tema kryesore edhe në gazetat e tjera. Shkasi për këtë janë problemet lidhur me sigurinë kombëtare, refugjatët dhe përgjimin. Këtë e shpalli ish kryeministri Bojko Borisov në Parlament. Lideri i Lëvizjes për të Drejta dhe Liri Ljutvi Mestan, partner i pushtetarëve, e konsideron votën si një konspiracion i brendshëm, kurse lideri i Partisë Socialiste Bullgare Sergej Stanishev shënon se gjatë udhëheqjes së Borisovit ka pasur një sistem për përgjimin e paligjshëm, represione kundër biznesit dhe shkelje të sigurisë. Me rastin e mocionit të pritur të mosbesimit kundër pushtetarëve për shkak të problemeve në sigurinë e brendshme gazeta “Sega” thekson si një problem kryesor të vendit refugjatët sirianë.
Tema për referendumin e ofruar nga presidenti Rosen Plevneliev komentohet nga të gjitha të përditshmet. Zgjedhjet evropiane më 25 maj të këtij viti, të ketë referendum “pro” ose “kundër” votimit të detyrueshëm, vota mazhoritare dhe votimi në mënyrë elektronike – kështu gazeta “Standard” paraqet fjalimin e presidentit para kombit. Sipas ligjit presidenti ka të drejtën e ofrimit të referendumit, por Kuvendi Popullor duhet ta inkurajojë. Sipas publikimeve reaksionet e pushtetarëve nga Partia Socialiste Bullgare dhe Lëvizja për të Drejta dhe Liri janë një shenjë e qartë se Parlamenti mund të mos miratojë idenë e Rosen Plevnelievit.
“Bullgaria do të ketë qeverisje elektronike në një nivel të mesëm sipas parimeve të BE-së që në vitin 2020”. Kështu gazeta “Sega” komenton temën kryesore për reformën e prapambetur në administratë. Nga titulli bëhet e qartë se kabineti “Oresharski” ka refuzuar qeverisjen elektronike që për vitin 2020. Aktualisht vetëm 80 dikastere shtetërore ofrojnë shërbime elektronike, 482 dikasteret e tjera ende janë në shekullin e kaluar, sqaron zateta “Standard”. Në një dokument të posaçëm shënohet se ministritë, agjencitë dhe bashkitë do të vazhdojnë të punojnë me letër shumë vite në të ardhmen dhe nuk do të mund të këmbejnë njeri tjetrin të dhënat online.
Bullgaria është një kampion i vërtetë në shkrimin e strategjive në BE. Përfundimi është i zëvendëskryeministres ekonomike Daniella Bobeva, cituar nga gazetat e sotme. Një pjesë e madhe e strategjive nuk kanë aspak efekt dhe kjo i detyrohet faktit se nuk kanë mbështejte financiare, bëhet e qartë nga gazeta “Trud”. Që të mos grumbullohen vëllime të mëdha raportesh në të ardhmen, kryeministri Pllamen Oresharski u ka thënë ministrave se këtej e tutje duhet të shkruhen më shumë plane veprimi sesa strategji, thuhet në publikimin në fjalë, që mbështetet tek fjalët e ministres Bobeva.
Gazeta “Standard” njofton se skuadra bullgar e futbollit “Lludogorec” ka fituar kundër skuadrës polake “Gurnik” në ndeshjen e fundit të kontrollit. Ndërkaq, gazeta “Monitor" informon për gjendjen shëndetësore të tenistit më të mirë bullgar Grigor Dimitrov. Ai ka një traumë, e cila do ta vështirësojë sukseset e tij këtë stinë. Për shkaqe shëndetësore Grigor Dimitrov nuk do të mund të luajë në turneun ATP në Zagreb.
Përgatiti në shqip: Vesella Mançeva
Komisioni Evropian vendoi të mbyllë procedurën e ndëshkimit për mospërmbushjen e detyrimeve të Bullgarisë për të rishikuar dhe përditësuar Planet e Dyta të Menaxhimit të Rrezikut të Përmbytjeve dhe Planet e treta të Menaxhimit të Baseneve Lumore. Në..
Në moshën 91-vjeçare vdiq fizikani Akad. Ivan Todorov, njoftoi qendra e shtypit e Akademisë Bullgare të Shkencave. Todorov është një shkencëtar me arritje të jashtëzakonshme dhe njohje mbarëbotërore në fushën e fizikës teorike moderne - teoria e..
Para Radios Kombëtare Bullgare, ambasadorët e Gjermanisë dhe Francës në Bullgari, Irene Plank dhe Joël Meyer, komentuan situatën aktuale në Evropë dhe negociatat e ardhshme për Ukrainën. "Ky është një takim joformal. Ky nuk është një takim evropian...
Një takim befasues, unë personalisht mendoj se duhet të zhvillohet me të gjithë liderët brenda BE-së dhe Britanisë së Madhe. Nënpresidentja Ilijana Jotova e..
Qytetet e Sofjes, Roterdamit dhe Cascais do të garojnë për titullin "Kryeqyteti Evropian i Demokracisë" në vitin 2026. Zgjedhjet do të zhvillohen deri më 12..
Para Radios Kombëtare Bullgare, ambasadorët e Gjermanisë dhe Francës në Bullgari, Irene Plank dhe Joël Meyer, komentuan situatën aktuale në Evropë dhe..