Bullgaria ka në plan të harxhojë afro 1 mlrd leva (500 mln euro) për luftimin e papunësisë në periudhën e ardhshme programore 2014-2020. Mjetet do të jenë pjesë e buxhetit në kuadrin e programit operativ “Zhvillimi i resurseve njerëzore” për 7 vitet në vijim, me përmasë 895 mln euro, ose 1.7 mlrd leva. Kjo u bë e qartë pas përgatitjes së variantit të fundit të programit, variant ky që qeveria ia dërgoi Brukselit për koordinim me Komisionin Evropian. Qëllimi është që me mjetet e BE-së të pakësohet papunësia e lartë ndër të rinjtë dhe më të moshuarit dhe ndër ata, që as mësojnë, as punojnë.
Parashikohet që me këto mjete evropiane të financohen programe për trajnimin dhe emërimin në punë të të papunëve, projekte për fillimin e një biznesi të vet, stazhe dhe kurse për marrjen dhe rritjen e kualifikimit, bursat e punës, orientimin profesional etj. Përveç kësaj do të stimulohet aplikimi i formave të zhdërvjellëta të punësimit dhe rritja e mobilitetit ndër nëpunësit. Për të papunët afatgjatë, me arsim të ulët, romët dhe njerëzit me çrregullime do të përpunohen masa speciale. Jo në vend të fundit financimi evropian ka qëllim dhe përballimin e dallimit midis kërkimit dhe ofrimit të krahut të punës në tregun e punës, si dhe përballimin e prodhueshmërisë së ulët të punës
Pritet që programet konkrete të startojnë gjatë vjeshtës së këtij viti, pas miratimit të tyre përfundimtar nga Komisioni Evropian. Mirëpo masat e para mund të aplikohen që nga data 1 prill. Për këtë qëllim autoritetet bullgare do të kërkojnë leje nga Brukseli që programet e punësimit të startojnë para miratimit të programit operativ. Ideja është që këto mjete të përkrahen në fillim me mjete nga buxheti ynë kombëtar, kurse në fund të 2014-ës këto para të rimëkëmben nga fondet evropiane. Mirëpo ky skenar fsheh rreziqe që më vonë Brukseli të mos i miratojë veprimet, për të cilat i kemi harxhuar paraprakisht paratë dhe kështu shpenzimet të paguhen nga shteti, vunë në dukje pushtetarët. Një prej masave të para të kësaj ideje është emërimi i 5 mijë të papunëve për luftimin e krimit në familje, deklaroi zëvendëskryetarja e Parlamentit bullgar Maja Manollova. Përveç kësaj, sipas fjalëve të saj edhe gjatë muajit prill në kuadrin e programeve të punësimit mund të angazhohen akoma 13 800 veta.Përgatiti në shqip: Vesella Mançeva
Pas zgjedhjeve të 27 tetorit, deri në fund të muajit, qeveria e përkohshme duhet të paraqesë në Kuvend Projektbuxhetin për vitin 2025. Sipas disa analistëve ekonomikë në vendin tonë, gjendja e planit buxhetor të shtetit për vitin 2024 ka qenë më e keqja..
Këshilli i Ministrave miratoi një dekret me të cilin paga minimale do të rritet nga 933 leva në 1077 leva në vitin 2025. Rritja është 15.4% ose 144 leva, tha ministri i çështjeve sociale Ivajllo Ivanov. Vendimi i qeverisë është në zbatim të ndryshimeve..
Ekonomia e Bullgarisë do të rritet me 2.3% këtë vit. Këtë e tregon përmbledhja më e fundit e ekonomisë botërore e përgatitur nga Fondi Monetar Ndërkombëtar (FMN) dhe e prezantuar sot, 22 tetor, në Uashington. Kjo është një rënie në krahasim me..
Prioritetet kryesore të biznesit – anëtarësimi në Eurozonë dhe Shengen me bazë tokësore, mbeten në plan të dytë. Ata janë motorët që mund t'i japin një..
Konfederata e Punës “PODKREPA” kritikoi ashpër projekt-amendamentet në Kodin e Punës të përgatitur nga Ministria e Punës dhe Politikës Sociale, sipas të..
Reshje shiu/dëbore
Reshje intensive
Vranësira