Më 1 dhe 2 gusht në pushimoren Lozenec vitin e tretë me radhë zhvillohet Festivali “Lozenets Jazz Time”. Ideja është t’u jepet rrugë plotësisht muzikës prej autori, interpretuar nga muzikantë bullgarë. Ndryshe nga dy festivalet e mëparëshme, tani nuk ka muzikantë nga jashtë. Deti, rëra dhe mbrëmjet e ngrohta të gushtit, të shoqëruara me muzikën xhaz në të hapur, tërheqin vëmendjen e admiruesve si të xhazit, ashtu edhe të turistëve.
Më shumë hollësi për këtë festival mësojmë nga organizatori Ognjan Enev:
“Edhe këtë vit programi do të jetë shumë interesant dhe i larmishëm. Me 1 gusht e hapim festivalin me projektin “Xhaz për fëmijët”, krijuar nga trumbetari Vencisllav Bllagoev. Ky është një program arsimor muzikor i përshtatur për fëmijët. Ideja ka popullaritet të gjerë si ndër të vegjëlit, ashtu edhe ndër prindërit e tyre. Mbrëmjen e parë admiruesit e xhazit do të kenë mundësi të dëgjojnë këngëtaren 14-vjeçare Daniella Ilieva. Pavleta Semova është këngëtarja tjetër, e cila bashkë me kitaristin Dimitër Bllagoev dhe pianistin Stanisllav Arabaxhiev do të realizojnë një pjese e programit të fëmijëve. Pas tyre në skenën e hapur do të dalin dy muzikantë, të cilët bashkëpunojnë që prej 20 vitesh – Shibill Benev – kitarë dhe Petër Momçev – saksofon. Ata ekzekutojnë muzikë prej autori në traditat e xhazit modern. Bashkë me ta do të dalin në skenë Boris Taslev – bas dhe Dimitër Semov – bateri. Mbrëmjen e parë do të përfundojë me interpretimet e këngëtares Bellosllava, bashkë me pianistin Zhivko Petrov dhe trumbetarin Rosen Zahariev.”
Programi i Festivalit të tretë “Lozenets Jazz Time” do të vazhdojë me prezantimin “BllagoevArt Xhaztet”. Në të do të marrin pjesë muzikantë, që kanë vërtetuar mjeshtërinë e tyre si kompozitorë dhe instrumentistë – Antoni Donçev – piano, Valeri Dimçev – tambur, Venscillav Bllagoev – trumbetë dhe Dimitër Shanov - kontrabas. Ata së bashku do t’u ofrojnë pikëpamjen e tyre mbi muzikën xhaz, folklorin bullgar dhe klasiken. Pas kësaj admiruesit e xhazit do të kenë mundësi të dëgjojnë trumbetarin Rosen Zahariev. Ai do të ekzekutojë pjesa e projektit të tij “Fluturimi deri te Hëna” – improvizime, të cilët muzikanti i bënë gjatë ekzekutimit. Në këtë projekt partnerë të tij do të jenë Aleksandër Daniell – bateri dhe Todor Stojanov – piano.
Përgatiti në shqip: Svetllana Dimitrova
Kënga e fundit e Vlladi Ampov - Grafa është "Një herë në një milion". Autori i muzikës dhe aranzhimit është vetë Vlladi, ndërsa teksti është i Rushi Vidinliev. Ky takim krijues nuk është i pari për ta - bashkëpunimi i tyre i mëparshëm ishte 20..
Pas 17 takimesh të suksesshme në Evropë, formati i njohur letrar "Kutia postare për përralla" vazhdon turneun evropian me 11 vende të tjera. Ai paraqet një repertor tekstesh të reja dhe të preferuara nga publiku, të shkruara posaçërisht për..
Edicioni i dytë i festivalit për muzikën e rrugës dhe kulturën autentike urbane Street Music Fest pret fansat e tij nga 27 deri më 29 shtator në sheshin "Sllavejkov" të kryeqytetit. Forumi gazmor plot ngjyra do të mbledhë muzikantët e rrugës së..
Papi Hans është alter egoja artistike e Konstantin Trendafillov - për disa një poet këngëtar, sipas të tjerëve - një këngëtar shkrimtar, por pa dyshim..
Konkursi Kombëtar i Muzikës "Si Luanët" 2024 zhvillohet nga data 18 deri më 20 tetor në Sallën e Koncerteve të BNR Varna. Konkursi muzikor gëzon interes..