Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Presidenti i Bullgarisë mori pjesë në takimin e lartë të BE-së i kushtuar energjetikës dhe klimës

Rosen Plevneliev
Foto: Agjencia Telegrafike Bullgare

Në fund të kësaj jave në Bruksel u zhvillua takimi i nivelit më të lartë të BE-së, i kushtuar burimeve energjetike, efektivitetit energjetik dhe klimës. Takimi ishte i fundit për kryetarin e Këshillit të Evropës – flamandin Herman Van Rompoi dhe për kryetarin e Komisionit Evropian – portugezin Zhoze Manuell Barozu. Ndër pjesëmarrësit e takimit ishte edhe presidenti bullgar Rosen Plevneliev. Në kuadrin e forumit ai tha para gazetarëve, se për Bullgarinë është me rëndësi të madhe efektiviteti energjetik, liberalizimi i tregut energjetik dhe diversifikimi i furnizimeve të gazit natyror. Lidhur me këtë presidenti bullgar theksoi domosdoshmërinë e shpejtimit të krijimit të lidhjes së interkonektorit me vendet fqinje. Përsa i përket gazit të serrave dhe energjetikës ripërtëritësekreu i shtetit theksoi avancimin e Bullgarisë mbi disa prej parametrave të caktuara. Megjithatë Bullgaria është ndër ato shtete të Evropës Qendrore dhe Lindore, të cilët i konsiderojnë tepër ambicioze qëllimet e vendeve perëndimore të BE-së për kufizimin e emisioneve të karbonit, sepse kjo do të kërcënojë ekonomitë e këtyre vendeve, të cilat iu shpresojnë qymyrgurit.

Pjesëmarrësit arritën një kompromis, dhe kuota e të ashtuquajturës “rrymë të gjelbër” deri në vitin 2030 në vendet e BE-së duhet të arrijë të paktën 27 për qind nga përzierja energjetike. Mbetet edhe qëllimi, që me të paktën 30 për qind të rritet efektiviteti energjetik. Në të njëjtën kohë emisionet e karbonit në BE-në duhet të ulen me 40 për qind në krahasim me nivelet e tyre të vitit 1990. Mirëpo, siç theksoi zoti Rompoj evidentohet, se mundësitë e vendeve të BE-së nuk janë të barabarta për arritjen e këtyre qëllimeve. Prandaj çdo vend do të japë kontributin e tij sipas kapacitetit dhe mundësive.

Përsa i përket gazit natyror, pjesëmarrësit arritën marrëveshje të zhvillohen projekte kryesisht të interesit reciprok. Më konkretisht tregohet projekti konkurrues i “Rrymës Jugore”, pra “Korridori Jugor i Gazit”, i cili do të furnizojë gaz nga rajoni i Kaspikut dhe nga Lindja e Mesme për Evropë.

Në sfondin e ambicieve të BE-së të deklaruara në Bruksel, realiteti i sotëm në Bullgari në fushën e gazit nuk është optimist. Dimri po vjen, ndërsa sipas një anketimi të Komisionit Evropian, botuar para disa ditësh, vendi ynë do të jetë më i prekur, në se Moska dhe Kievi nuk do të arrijnë marrëveshje për furnizimet e gazit dhe në se Rusia do të ndërpresë furnizimet gjatë dimrit. Bullgaria është në varësi pothuajse të plotë të gazit rus. Rezervat e saj mund të kënaqin nevojat e vendit për pak më shumë se një muaji.

Përgatiti në shqip: Svetllana Dimitrova




Последвайте ни и в Google News Showcase, за да научите най-важното от деня!

Më shumë nga rubrika

Banka Kombëtare Bullgare vendos obligacione me borxh të ri të brendshëm afatshkurtër dhe afatmesëm

Më 27 janar, në tregun vendas do të ofrohen letra shtetërore me vlerë për 150 milionë euro, njoftoi Banka Kombëtare Bullgare (BNB). Obligacionet do të maturohen për 7 vjet dhe do të kenë një interes vjetor prej 3.25%. Më 20 janar, BNB mbajti ankandin e..

botuar më 25-01-22 11.28.PD
Filip Kupfer

Kompanitë austriake në Bullgari presin një klimë të qëndrueshme biznesi në vitin 2025

Shumica e kompanive austriake që kanë investuar në Bullgari presin që klima ekonomike në vend të mbetet e qëndrueshme (54%) ose të përmirësohet (13%) gjatë 12 muajve të ardhshëm.Këtë e tregoi “Anketa tradicionale e investitorëve austriakë në..

botuar më 25-01-21 3.47.MD

Inflacioni nga viti 2021 deri më tani është 29.9%, për bukën - 43.3%

Analizat e ekspertëve të Konfederatës së Sindikatave të Pavarura (KNSB) tregojnë se rritja kumulative e inflacionit (e matur me indeksin e çmimeve të konsumit) gjatë katër viteve të fundit (nga fillimi i vitit 2021 e deri më tani) është saktësisht..

botuar më 25-01-19 12.15.MD