Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Gjysma e bullgarëve jetojnë në kufirin e varfërisë

Foto: dnevnik.bg

Para një viti qeveria në Bullgari vendosi t’i konsiderojë të varfra ekonomitë të cilat jetojnë me 125 euro në muaj. Mirëpo, qytetarët komentojnë se as rreth 400 euro mjaftojnë për të mbajtur një familje me dy fëmijë. Plus që në Bullgari ka pensionistë të cilët marrin nga 50 euro në muaj, pra nën kufirin e caktuar të varfërisë. Për mendimin e Prof. Ganço Gançev nga Instituti i Ekonomisë dhe Marrëdhënieve Ndërkombëtare, varfëria është pengesa më e madhe në zhvillimin e Bullgarisë. Së bashku me një ekip specialistësh ai solli hulumtimin kushtuar aspekteve të ndryshme të luftimit të varfërisë vitet e fundit në vend.

Teza për ekzistencën e shumë personave të varfër dhe të shumë personave të pasur përbën një stimul ekonomik, nuk funksionon në Bullgari, thotë Prof. Gançev. Ai thekson se Bullgaria është ndër vendet evropiane me diferencë më të madhe midis të varfërve dhe të pasurve. Sipas specialistëve më shqetësues është fakti se një e treta e të varfërve janë të punësuar, por të ardhurat mujore i çojnë në kufirin e varfërisë. Më shumë të varfër ka mes grupit etnik të romëve, grupit të pensionistëve dhe personave jo të arsimuar.

“Të ardhurat e ulëta dhe papunësia e qëndrueshme ndikojnë negativisht mbi ekonominë kombëtare – vë në dukje znj. Spaska Petrova, zv.ministre e çështjeve të punës në qeverinë teknike të Georgi Bliznashkit. – Hulumtimi mbi varfërinë tregon se masat e ndërmarra deri tani nuk kanë qenë të mjaftueshme. Kriza ekonomike në botë preki dhe po ashtu ekonominë e Bullgarisë, dhe në veçanti synimin tonë për pakësimin e të varfërve me 260 mijë persona deri në vitin 2020. Bullgarët të cilët janë rrezikuar me varfëri u raportohen personave të BE-së të cilët jetojnë mbi nivelet mesatare të varfërisë. Një nga strategjitë e reja për pakësimin e numrit të të varfërve është ajo “Evropa 2020”.

Të gjitha hulumtimet mbi çështjen e varfërisë të cilat janë bërë deri tani tregojnë vetëm demensionet rajonale të problemit. Më së fundi u hartua karta e varfërisë në mbarë vendin. Rajoni Jugperëndimor është i zhvilluar më së miri, por tendenca e thellimit të varfërisë vlen për të gjitha rajonet e tjera. Besohej se turizmi do të jetë faktori i cili do ta zhvillojë ekonominë e vendit, por kjo nuk ndodhi. Pse?

“Bile ulja e vogël e PBB-së menjëherë shkakton stanjacion proporcional të të ardhurave në sektorin e turizmit – përgjigjet Doc. Presllav Dimitrov. – Nga viti 2000 deri tani pagat janë rritur me rreth 200 euro, por duhet pasur parasysh se të punësuarit në turizëm janë sezonialë. Përveç kësaj nuk kemi mekanizëm të mirë i cili ta mbajë personelin cilësor në Bullgari. Çdo vit punësohen persona të rinj të cilët sapo duhet të trajnohen dhe të cilët nuk shpërblehen mjaft. Pra, në këtë gjendje mund të paramendojmë se gjatë vitit 2024 të ardhurat në turizëm sërish do të jenë më se 500 euro dhe se ky sektor do të vazhdojë të gjenerojë varfëri.”

Përgatiti në shqip: Anna Kapitanova



Последвайте ни и в Google News Showcase, за да научите най-важното от деня!

Më shumë nga rubrika

Ivo Mihov

Në Universitetin e Sofjes po punohet për krijimin e një kompjuteri kuantik

Inteligjenca artificiale tani është krijuar tërësisht nga kompjuterët klasikë me algoritme, ndërsa inteligjenca artificiale e bazuar në kompjuterë kuantikë do të jetë shumë më e shpejtë dhe më funksionale, thotë doktoranti Ivo Mihov nga Qendra për..

botuar më 25-02-25 11.25.PD

Tre vjet më vonë - për luftën në Ukrainë, paqen dhe të ardhmen

Pikërisht 3 vjet më parë, më 24 shkurt, filloi pushtimi rus i Ukrainës - një ngjarje që zgjoi Evropën 77 vjet pas përfundimit të Luftës së Dytë Botërore dhe vuri në pikëpyetje një nga synimet kryesore të BE-së - parandalimin e një konflikti të ri në..

botuar më 25-02-24 9.00.MD
Ivajllo Naçev

Shkencëtarët bullgarë në Antarktidë analizojnë aktivitetin diellor dhe ndikimin e tij në Tokë

Në bazën bullgare të Antarktidës “Shën Kliment Ohridski” janë instaluar pajisje matëse që mbledhin të dhëna të vlefshme për aktivitetin diellor dhe lidhjen e tij me fushën magnetike të Tokës për dy muaj. Studimet po kryhen në kuadër të projektit të..

botuar më 25-02-23 7.25.PD