Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Konkursi Ndërkombëtar “Virtuozë të Rinj 2015”

БНР Новини
Foto: BGNES

Në vitin 2004 në lidhje me përvjetorin e 100-të të themelimit të Shkollës Kombëtare Muzikore “Ljubomir Pipkov” u organizua Konkursi Ndërkombëtar “Virtuozë të Rinj”. Nismëtarë janë drejtoresha e shkollës Millka Miteva dhe kolegët e saj profesoresha Milena Mollova, docenti Borisllav Jocov, Stolina Dobreva dhe Marina Savova. Kjo veprimtari muzikore organizohet çdo vit me përkrahjen e Fondacionit “Amerika për Bullgarinë”.

Më shumë hollësi për konkursin e sivjetshëm sjell zonja Miteva: “Në edicionin e sivjetshëm të konkursit paraqiten 127 muzikantë nga 20 shtete të mbarë botës. Për herë të parë prezantohet shkolla e violinës nga Rumania. Do të ketë muzikantë nga Maqedonia, Belgjika, Spanja, Rusia, Koreja, Japonia dhe doemos nga Bullgaria. Krahas kësaj presim muzikantë nga Polonia, Belarusia, Kina, Turqia dhe SHBA-ja. Pjesëmarrësit janë të ndarë në katër grupe sipas moshës: nga më të vegjlit deri në 24 vjeç. Në programin e detyrueshëm të gjithë ekzekutojnë vepra nga baroku, klasika, romantizmi dhe muzikë moderne, krijuar gjatë 25 viteve të fundit. E reja këtë vit është, se secili që dëshiron mund të ndjekë konkursin online në sajtin e tij.

Sipas rregullave çdo vit konkursi është për vegla të ndryshme muzikore. Përsa iu përket pjesëmarrësve sivjet Millka Miteva shpjegon: “Konkursi i sivjetshëm është për specialitetet violinë, violë, violonçel dhe vegla me goditje. Hapet më 12 mars me koncert të mbajtësve të çmimeve të para vitet e mëparshme. Konkursi fillon ditën tjetërpër veglat me harqe. Më 17 mars është koncerti tradicional i pjesëmarrësve në jurinë ndërkombëtare. Dy ditë më vonë është ceremonia e dhënies së dekoratave, e cila do të shoqërohet me një koncert. Për muzikantët perkusionistë konkursi fillon më 30 mars, ndërsa më 5 prill është koncerti i të dekoruarve. Në juri kemi ftuar emra të mëdhenj të skenës botërore dhe muzikantë të njohur bullgarë.”

Në kuadrin e hapjes së konkursit më 12 mars parashikohet të prezantohet edhe një libër i kushtuar 110 vjetorit të themelimit të Shkollë Kombëtare Muzikore “Ljubomir Pipkov”, si dhe një gazetë i kushtuar muzikës me autorë pedagogët dhe nxënësit e shkollës.

Millka Miteva sjell më shumë hollësi për çmimet e konkursit: “Përveç fondit në të holla ka dhe disa çmime speciale. Drejtori dhe dirigjent i Filarmonisë së Sofjes do të dallojë ndonjëri prej të dekoruarve. Classic FM Radio do të dekorojë pjesëmarrësin më të mirë bullgar. Mjeshtri i violinave Vllado Tilev do t’i dhurojë një hark punuar prej tij violinistit më të mirë. Trashëgimtarët e kompozitorit, perkusionist dhe pedagog i njohur bullgar Dobri Paliev do të japin një dallim për perkusionistin më të mirë. European Unin of Music Competitions for Youth deri tashti siguronte çmime nën formën e koncertit në ndonjë skenë evropiane. Vjet këtë çmim e mori pianistja Kalija Kallçeva.”

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

"Vjedhësi i ëndrrave" – kënga më e fundit e DARA

Muzika e këngëtares DARA është po aq shumëngjyrëshe sa ajo. Dhe këtë e vërteton edhe kënga e saj e fundit "Vjedhësi i ëndrrave". Në të, këngëtarja e re zhvillon një dialog të sinqertë me kritikun e saj të brendshëm - atë zë që shpesh na qorton dhe na..

botuar më 24-10-11 8.10.PD

"Basët bullgarë për Boris Hristov" do të luhet në pesë qytete me rastin e 110 vjetorit të lindjes së këngëtarit të madh të operës

Këngëtarët bullgarë të operës dalin në skenë për të nderuar Boris Hristovin në 110-vjetorin nga lindja e tij. Të mishëruar në role emblematike të këngëtarit të madh, por edhe me një dozë ngacmimi artistik, ata do të kujtojnë triumfet e tij botërore me..

botuar më 24-10-11 7.35.PD

“Të arratisem” hap derën e albumit të ri të këngëtares Mihaella Marinova

Mihaella Marinova, e cila është ndër këngëtaret e reja më të suksesshme bullgare, realizoi një album të ri. Ajo prezantoi koleksionin prej dhjetë këngësh me një turne në qytetet më të mëdha të Bullgarisë. Titulli i albumit “Flutura e Zezë” flet për..

botuar më 24-10-09 12.31.MD